完整藏文原文 · 德格版页 当前仅加载第 54 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། ཆོས་མ་ཡིན་པ་སྟེན་པ་གང་ཡིན་པ་རྣམས་སོ། །ཆོས་ལ་སྟེན་པ་ཡིན་དུ་ཟིན་ཀྱང་དེ་བཞིན་གཤེགས་པ་རྟག་པ་དང་། གཞི་གསུམ་པོ་དང་། ཐར་པ་ཐེར་ཟུག་པ་དང་། མདོ་སྡེ་དང་། མདོ་སྡེ་མ་ཡིན་པ་དང་། འདུལ་བ་དང་། འདུལ་བ་མ་ཡིན་པ་དང་།
D120.054.0118b01.01བདུད་ཀྱིས་སྨྲས་པ་དང་། སངས་རྒྱས་ཀྱིས་གསུངས་པའི་བྱེ་བྲག་མི་ཕྱེད་པ་གང་ཡིན་པ་དེ་དག་ཐམས་ཅད་ནི་ཁོང་ན་ཡི་གེ་མེད་པ་ཞེས་ང་ཟེར་རོ། །རིགས་ཀྱི་བུ་དེ་བས་ན་ཁྱོད་ཀྱིས་ཚུལ་འདི་དག་ལ་ཡི་གེ་ཕྱེད་པ་རྣམས་སློབས་ཤིག་དང་། དེ་ལྟར་བྱས་ན་ཡི་གེ་ཤེས་པ་ཞེས་བྱ་
D120.054.0118b02.01བའི་གྲངས་སུ་གཏོགས་པར་འགྱུར་རོ། །གསོལ་པ། བཅོམ་ལྡན་འདས་བདག་གིས་གྲངས་སུ་ཆུད་པར་བགྱི་སྟེ། དེ་ལྟར་འཚལ་བས་ན་ཡི་གེ་ཕྱེད་པ་རྣམས་བསླབ་པར་བགྱི་འཚལ་ལགས་སོ། །བཅོམ་ལྡན་འདས་བདག་གིས་ད་གཟོད་སློབ་དཔོན་གྱི་མཆོག་ཁྱོད་ལྟ་བུ་
D120.054.0118b03.01རྙེད་ལགས་སོ། །བཅོམ་ལྡན་འདས་བདག་ནི་ད་གཟོད་ཡིག་རྩིས་ཀྱི་གནས་སུ་ཞུགས་ལགས་སོ། །བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །དམ་པའི་ཆོས་འདོད་པས་ནི་དེ་ལྟར་འདོད་པར་བྱ་དགོས་སོ། །རིགས་ཀྱི་བུ་དེ་ལ་ཟལ་མོ་ཞེས་བྱ་བ་ནི་རྣམ་
D120.054.0118b04.01པ་གཉིས་ཏེ། སྡུག་བསྔལ་དང་། མི་རྟག་པ་དང་། བདག་མེད་པ་རྣམས་ཀྱི་ཟལ་མོ་རྣམས་དང་། བཞད་དང་འགྲོགས་པའི་ཟལ་མོ་རྣམས་ཏེ་དེ་ནི་བྱའི་དོན་ཏོ། །གསོལ་པ། སྡུག་བསྔལ་དང་། མི་རྟག་པ་དང་། བདག་མེད་པ་ལ་ཇི་ལྟར་ཟལ་མོ་ཞེས་བགྱི་ལགས།
D120.054.0118b05.01བཀའ་སྩལ་པ། ཆོས་ཁ་ཅིག་ནི་མི་རྟག་ལ་ཆོས་ཁ་ཅིག་ནི་རྟག་པའི་ཕྱིར་དང་། ཆོས་ཁ་ཅིག་ནི་སྡུག་བསྔལ་ལ་ཆོས་ཁ་ཅིག་ནི་བདེ་བའི་ཕྱིར་དང་། ཆོས་ཁ་ཅིག་ནི་བདག་མེད་ལ་ཆོས་ཁ་ཅིག་ནི་བདག་ཡོད་པའི་ཕྱིར་ཏེ། དཔེར་ན་བུ་རམ་ཤིང་དང་། འབྲས་སཱ་ལུ་དང་། འབྲུ་དང་།
D120.054.0118b06.01ཁྲེ་དང་། ཁྲེ་རྒོད་དང་། སྲན་མ་དང་། སྲན་སྡེའུ་དང་། སྲན་གྲེའུ་ལ་སོགས་པ་འབྲུའི་སྣ་གྲངས་རྣམས་མེ་ཏོག་གི་དུས་ནས་འབྲས་བུའི་དུས་ཀྱི་བར་དུ་མི་རྟག་པའི་ཁོངས་སུ་འདུས་སོ། །ཕུབ་མ་མེད་པར་གྱུར་ནས་ནི་སེམས་ཅན་ཐམས་ཅད་ལ་ཕན་འདོགས་པར་འགྱུར་ལ་
D120.054.0118b07.01