完整藏文原文 · 德格版页 当前仅加载第 54 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་པོ་སྒོམ་པར་བྱེད་དོ། །ཤེས་རབ་ཅན་རྣམས་ཀྱིས་ནི་རྟག་པ་དང་། བརྟན་པ་དང་། ཐེར་ཟུག་པ་དེ་སྒྱུ་མ་ཙམ་དུ་ཡོད་པར་ཤེས་སོ། །ཐར་པ་བསྟན་ན་ནི་བྱིས་པ་རྣམས་སངས་རྒྱས་རྣམས་ཀྱིས་ཐར་པ་རྙེད་ནས་མེད་པར་འགྱུར་རོ་སྙམ་དུ་འཛིན་ཏོ། །ཤེས་རབ་ཅན་
D120.054.0110b01.01རྣམས་ཀྱིས་ནི་སངས་རྒྱས་བྱོན་པ་དང་གཤེགས་པ་ཡོད་པར་ཤེས་ཏེ་མིའི་སེང་གེ་བྱོན་ཏོ་ཞེས་ཟེར་རོ། །བྱིས་པ་རྣམས་ནི་མ་རིག་པའི་རྐྱེན་གྱིས་འདུ་བྱེད་རྣམས་ཞེས་བྱ་བ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི་མ་རིག་པ་དང་རིག་པ་ཐ་དད་པ་གཉིས་སུ་
D120.054.0110b02.01མེད་པར་ཤེས་སོ། །བྱིས་པ་རྣམས་ནི་འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ཞེས་བྱ་བ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི་འདུ་བྱེད་རྣམས་དང་། འདུ་བྱེད་པ་མེད་པ་ཐ་དད་པ་མེད་པ་གཉིས་སུ་མེད་པར་ཤེས་སོ། །དེ་བཞིན་དུ་བྱིས་པ་རྣམས་
D120.054.0110b03.01དགེ་བ་དང་མི་དགེ་བ་ཐམས་ཅད་ལ་ཐ་དད་པ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི་གཉིས་སུ་མེད་པར་ཤེས་སོ་ཞེས་གསུངས་སོ། །བྱིས་པ་རྣམས་ནི་ཁ་ན་མ་ཐོ་བ་དང་ཁ་ན་མ་ཐོ་བ་མེད་པ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི་དེ་བཞིན་
D120.054.0110b04.01དུ་གཉིས་སུ་མེད་པར་ཤེས་སོ་ཞེས་གསུངས་ཏེ། དེ་ནི་ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པ་རྣམས་ནི་ལམ་དང་ལམ་མ་ཡིན་པ་ཞེས་བྱ་བ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི་གཉིས་སུ་མེད་པར་ཤེས་སོ་ཞེས་གསུངས་ཏེ། དེ་ནི་
D120.054.0110b05.01ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པ་རྣམས་ནི་ཆོས་ཐམས་ཅད་ནག་པོ་དང་དཀར་པོའོ་ཞེས་བྱ་བ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི་གཉིས་སུ་མེད་པར་ཤེས་སོ་ཞེས་གསུངས་ཏེ་དེ་ནི་ཤེས་རབ་ཅན་རྣམས་ཀྱི་རང་བཞིན་ཡིན་ནོ། །
D120.054.0110b06.01བྱིས་པ་རྣམས་ནི་ཆོས་ཐམས་ཅད་སྡུག་བསྔལ་བ་དང་བདེ་བ་ཐ་དད་པ་གཉིས་སུ་སྒོམ་པར་བྱེད་དོ། །ཤེས་རབ་ཅན་རྣམས་ནི་གཉིས་སུ་མེད་པར་སྒོམ་མོ་ཞེས་གསུངས་ཏེ་དེ་ནི་ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པའི་བློ་ཅན་རྣམས་ནི་དེ་བཞིན་གཤེགས་པའི་སྙིང་
D120.054.0110b07.01