完整藏文原文 · 德格版页 当前仅加载第 54 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཐོབ་པ་ཞེས་ཀྱང་མི་བྱའོ། །སྔར་བསྟན་པའི་ཡོན་ཏན་རྣམས་ཀྱང་ཡོད་ལ་འདིར་སྐྱེས་ན་ཡང་སྔར་བསྟན་པའི་ཉེས་པ་རྣམས་ཀྱིས་མི་གོས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་འོང་བ་དང་འགྲོ་བའི་ཚུལ་གྱིས་རྒྱུ་བར་བྱེད་ཀྱང་ཕྱིར་མི་འོང་བའི་གྲངས་སུ་གཏོགས་ཏེ།
D120.054.0080b01.01སེམས་བསྐྱེད་མ་ཐག་པའི་ལུང་བསྟན་པས་སངས་རྒྱས་སུ་ལུང་བསྟན་པ་དང་སེམས་བསྐྱེད་མ་ཐག་ཏུ་རིང་པོ་མི་ཐོགས་པར་སངས་རྒྱས་སུ་འགྱུར་བ་ཡིན་ཏེ་གང་ཟག་དེ་ལྟ་བུ་ནི་གང་ཟག་གསུམ་པའོ། །དགྲ་བཅོམ་པ་ཟག་པ་ཟད་པ་ནི་གང་ཟག་བཞི་པ་སྟེ། དགྲ་བཅོམ་པ་ཞེས་བྱ་བ་
D120.054.0080b02.01ནི་ཉོན་མོངས་པ་མེད་པ། ཁུར་བོར་བ། རང་གི་དོན་གྱི་བྱ་བ་བྱས་པ། དོན་གྲུབ་པ། ས་བཅུ་ཐོབ་པ་ཞེས་བྱ་བའི་དོན་ཏོ། །དོན་གཞན་ཡང་རྒྱས་པར་བྱེད་དེ་མི་སྐྱེ་བའི་ཆོས་ལ་བཟོད་པའི་ལུང་བསྟན་པས་ལུང་བསྟན་པ་དང་། བདག་ཉིད་ཀྱིས་ཇི་ལྟར་ནུས་པའི་གཟུགས་དང་། ཇི་ལྟར་
D120.054.0080b03.01འདོད་པའི་གཟུགས་མངོན་པར་སྤྲུལ་པར་བྱེད་པ་དང་། གང་གི་ལུས་ཀྱིས་སངས་རྒྱས་སུ་འགྱུར་བར་འདོད་པ་དེའི་ལུས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བར་བྱེད་དེ། ཡོན་ཏན་འདི་རྣམས་དང་ལྡན་པ་ནི་དགྲ་བཅོམ་པ་ཞེས་བྱ་སྟེ།
D120.054.0080b04.01ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་ལ་གང་ཟག་བཞི་པོ་འདི་རྣམས་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བའི་ཕྱིར་འཇིག་རྟེན་དུ་འབྱུང་ངོ་། །དེ་དག་ནི་དེ་བཞིན་གཤེགས་པ་བཞིན་དུ་ལྷ་དང་མི་རྣམས་ཀྱི་སྟོན་པ་ཡིན་ཏེ་བཞི་ཆར་ཡང་སྐྱེས་བུ་ཚད་མ་ཡིན་ནོ། །
D120.054.0080b05.01འཇིག་རྟེན་དུ་གྱུར་པ་ཡིན་ནོ། །གསོལ་པ། གང་ཟག་བཞི་པོ་དེ་དག་ནི་བདག་གི་ཚད་མ་ཡང་མ་ལགས། དེ་དག་ནི་རྟེན་དུ་གྱུར་པ་ཡང་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལས་བརྩམས་ཏེ་བདུད་ཚར་གཅད་པར་བཀའ་སྩལ་
D120.054.0080b06.01པའི་ཚེ། གལ་ཏེ་ལྷའམ་བདུད་དམ་ཚངས་པ་ཡང་རུང་སྟེ་ང་དང་འདྲ་བར་ལུས་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པ་དང་། འོད་འདོམ་གང་དང་ལྡན་པ་དང་། བཞིན་མཛོད་སྤུས་བརྒྱན་པའི་སངས་རྒྱས་ཀྱི་སྐུའི་ཚུལ་གྱིས་འོངས་སུ་ཟིན་ཀྱང་དེ་ཁྱེད་ཀྱིས་
D120.054.0080b07.01