完整藏文原文 · 德格版页 当前仅加载第 54 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་གསོལ་ན་ཁྱིམ་བདག་གམ་བྲམ་ཟེ་ཤིན་ཏུ་དབུལ་པོ་འགའ་ཞིག་གཞན་གྱི་ཡུལ་དུ་མཆིས་ལ། བདག་ཉིད་སྤྲོ་བ་བསྐྱེད་དེ་མཐར་གྱིས་ཞིང་ལས་བརྩམས་ནས། དེས་རྨོན་གླང་རྨོ་སྐྱེན་པ་ཐོང་གཤོལ་དང་སྦྱར་བ་དག་གིས་ཞིང་ལ་རྡོ་དང་།
D120.054.0021a01.01རྡུ་བ་དང་། ཚེར་མ་མ་མཆིས་པར་བགྱིས་ཏེ། རེ་བ་ཆེན་པོ་བསྐྱེད་ནས་སྤྲིན་ཆེན་པོ་ལས་ཆར་འབབ་པ་སྡོད་ཅིང་མཆིས་པ་དེ་བཞིན་དུ། བཅོམ་ལྡན་འདས་བདག་ནི་ལུས་ཀྱི་ཞིང་ལ་ཉེས་པ་གསུམ་དང་། བཞི་དང་བྲལ་བའི་ཡིད་དང་ངག་གི་རྨོན་གླང་དང་ཤེས་པའི་ཐོང་
D120.054.0021a02.01གཤོལ་གྱིས་ཉོན་མོངས་པ་རྣམ་པ་སྣ་ཚོགས་ཀྱི་རྡོ་དང་། རྡུ་བ་དང་། ཚེར་མ་མ་མཆིས་པར་བགྱིས་ནས། ཁྱོད་ཀྱི་ཆོས་ཀྱི་སྤྲིན་ཆེན་པོ་ལས་ཆོས་ཀྱི་ཆར་པ་འབབ་པ་ལ་སྡོད་ཅིང་མཆིས་ཏེ། དགེ་སློང་གི་དགེ་འདུན་དང་བཅས་པར་སྤྱན་འདྲེན་ན། བདག་གི་དབུལ་བ་བསལ་
D120.054.0021a03.01བ་དང་། སེམས་ཅན་ཐམས་ཅད་ལ་སྨན་པའི་སླད་དུ། བདག་གིས་ཕུལ་བའི་ཞལ་ཟས་བཞེས་སུ་གསོལ། བདག་ནི་མགོན་མ་མཆིས་པ། སྐྱབས་མ་མཆིས་པ་ལགས་ན། དེ་བཞིན་གཤེགས་པས་བདག་ལ་སྒྲ་གཅན་ཟིན་བཞིན་དུ་གཟིགས་པར་གསོལ།
D120.054.0021a04.01དེ་ནས་བཅོམ་ལྡན་འདས་ཐམས་ཅད་མཁྱེན་པ་རྒྱལ་བ་གང་ཟག་བླ་ན་མེད་པས་མགར་བའི་བུ་སྐུལ་བྱེད་ལ་འདི་སྐད་ཅེས་བཀའ་སྩལ་ཏོ། །སྐུལ་བྱེད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཁྱོད་ཀྱི་ཞལ་ཟས་ཐ་མ་སྦྱིན་
D120.054.0021a05.01པའི་ཕ་རོལ་ཏུ་ཕྱིན་པ་ཆེན་པོ་བཞེས་པར་མཛད་དོ། །དེ་ནས་ལྷ་དང་། མི་དང་། ལྷ་མ་ཡིན་དེ་དག་གིས་སྐུལ་བྱེད་ཀྱིས་ཕུལ་བའི་ཞལ་ཟས་ཀྱི་ཐ་མ་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པས་བཞེས་སོ་ཞེས་
D120.054.0021a06.01ཐོས་ནས་ངོ་མཚར་རྨད་དུ་བྱུང་བའི་ཆོས་ཐོབ་སྟེ། ལེགས་སོ་ལེགས་སོ་ཞེས་སྐད་ཆེན་པོ་ཕྱུང་ནས་མགར་བའི་བུ་སྐུལ་བྱེད་ལ་འདི་སྐད་ཅེས་སྨྲས་སོ། །ཀྱེ་མགར་བའི་བུ་སྐུལ་བྱེད་ཁྱོད་སྐྱིད་དེ་བ་ཁྱོད་ཀྱིས་མི་ལུས་ཐོབ་པ་ནི་ཕན་ཐོགས་པར་གྱུར་ཏོ། །ལེགས་པར་ཐོབ་
D120.054.0021a07.01