完整藏文原文 · 德格版页 当前仅加载第 54 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ནས་སྨིན་མཚམས་ཀྱི་རྒྱན་རིལ་གྱིས་ནང་དུ་ནུབ་པར་བྱས་ན། གྱད་དེས་མ་ཚོར་ཏེ་བདག་གིས་རྡོ་རྗེ་གར་བཞག་ཞིག་གུ་སྙམ་སྟེ། དེས་སྨན་པ་བཀུག་ནས་རྨ་ཁ་འཆོས་སུ་བཅུག་གོ། །སྨན་པ་དེ་ཡང་ཐབས་མཁས་ཤིང་ཡིད་རྣོ་བ་ཞིག་སྟེ། རྨ་འདི་ནི་ནོར་བུ་དེ་
D120.054.0105a01.01ལས་གྱུར་ཏོ་སྙམ་དུ་ཤེས་ནས་རྡོ་རྗེ་དེ་དཔྲལ་བའི་ནང་དུ་ནུབ་ཅིང་འདུག་གོ་སྙམ་སྟེ། དེས་གྱད་དེ་ལ་ཀྱེ་མི་ཁྱོད་ཀྱི་ནོར་བུ་དེ་གར་སོང་ཞེས་དྲིས་པ་དང་། དེས་སྨན་པ་དེ་ལ་སྨྲས་པ། ཀྱེ་མ་སྨན་པ་ངའི་སྨིན་མཚམས་ཀྱི་རྒྱན་རྡོ་རྗེ་དེ་སྟོར་གོར་མ་ཆག་གོ། །ཀྱི་ཧུད་བདག་གིས་གབ་ཙེའི་
D120.054.0105a02.01ནང་དུ་བཅུག་གམ་གར་བཅུག་པ་མི་ཤེས་ཏེ་སྒྲོམ་བུའི་ནང་དུ་བཙལ་ན་ཡང་མ་རྙེད་དོ། །ཀྱི་ཧུད་ཕུང་གིས་མེད་དོ། །ཆུའི་ཆུ་བུར་བཞིན་དུ་མེད་པར་གྱུར་ན་ཅི་སྒྱུ་མ་ལྟ་བུར་གྱུར་ཏམ་ཞེས་ཟེར་རོ། །དེ་ནས་དེ་ལ་སྨན་པས་སྨྲས་པ། ཀྱེ་མི་ཁྱོད་དེ་ལྟར་མྱ་ངན་མ་བྱེད་ཅིག །
D120.054.0105a03.01ཁྱོད་ཀྱི་རྡོ་རྗེ་དེ་ནི་རྨའི་ནང་དུ་ནུབ་ནས་ཤ་དང་ཁྲག་དང་རྣག་གི་ནང་ན་འབར་ཞིང་འདུག་སྟེ། ཁྱོད་སྟོབས་འགྱེད་པ་ལ་ཡིད་བྲལ་ནས་མ་ཚོར་བར་ཟད་དོ་ཞེས་སྨན་པ་དེས་དེ་སྐད་བྱས་ཀྱང་ཡིད་མི་ཆེས་ཏེ། འོ་ན་རྣག་ཁྲག་དང་བཅས་ཏེ་ཅིའི་ཕྱིར་མ་བྱུང་། ཡང་ན་ཆུ་བ་ལ་ཐོགས་ཏེ་འདུག་གམ་
D120.054.0105a04.01ཁྱོད་དེ་སྐད་དུ་མ་སྨྲ་ཤིག་ཅེས་སྨན་པ་དེ་ལ་དེ་སྐད་ཅེས་སྨྲས་སོ། །དེ་ནས་སྨན་པ་དེས་རྡོ་རྗེ་དེ་ཕྱུང་ནས་དེ་ལ་བསྟན་ཏེ། དེས་མཐོང་ནས་ངོ་མཚར་དུ་གྱུར་པ་དེ་བཞིན་དུ་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་མོད་ཀྱི། སེམས་ཅན་རྣམས་ཀྱིས་ནི་དེ་མི་ཤེས་ཏེ་མི་དགེ་བའི་
D120.054.0105a05.01གྲོགས་པོ་ལ་བསྟེན་པའི་ཉེས་པ་དང་། འདོད་ཆགས་དང་། ཞེ་སྡང་དང་། གཏི་མུག་གིས་ནོན་པས་སེམས་ཅན་རྣམས་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དང་། ལྷ་མ་ཡིན་དང་། གདོལ་པ་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་།
D120.054.0105a06.01དམངས་རིགས་རྣམས་སུ་སྐྱེ་བར་འགྱུར་རོ། །བདག་གི་ཉེས་པའི་སྟོབས་དང་། འདོད་ཆགས་དང་། ཞེ་སྡང་དང་། གཏི་མུག་གིས་མི་ཤེས་པས་སེམས་ཅན་རྣམས་གླེན་པ་དང་། འོན་པ་དང་། ལོང་བ་དང་། ལག་རྡུམ་དང་། གཞོགས་སྐམས་དང་། དྲི་མ་སྣ་ཚོགས་ཀྱིས་
D120.054.0105a07.01