完整藏文原文 · 德格版页 当前仅加载第 54 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་ཉན་ཐོས་ཡིན་ནོ། །ཅིག་ཤོས་ནི་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཡིན་ནོ་ཞེས་ང་ཟེར་རོ། །ངས་དེ་སྐད་ཅེས་བསྟན་པའི་ཕྱིར་འདི་སྐད་ཅེས་ཟེར་ཏེ། བཅོམ་ལྡན་འདས་ཀྱིས་དམ་པའི་ཆོས་ཐོབ་པར་འགྱུར་བའི་སངས་རྒྱས་ཀྱི་ས་ནས་གཟིགས་པས་ན་བདག་ཀྱང་སངས་
D120.054.0098b01.01རྒྱས་བཅོམ་ལྡན་འདས་སུ་འགྱུར་རོ་ཞེས་ཟེར་བ་གང་ཡིན་པ་དེ་མིའི་ཆོས་ལས་བླ་མའི་ཉེས་པར་འགྱུར་རམ་ཞེ་ན་མིའི་ཆོས་ལས་བླ་མར་གྱུར་པའི་ཉེས་པར་མི་འགྱུར་ཏེ། དེ་ནི་རིམ་གྱིས་སངས་རྒྱས་སུ་འགྱུར་རོ་ཞེས་ང་ཟེར་རོ། །དེ་ལྟར་ན་སངས་རྒྱས་ཀྱི་གསུང་ནི་ཆ་ཕྲ་ཞིང་ཟབ་པ་ཡིན་ནོ། །
D120.054.0098b02.01གསོལ་པ། འདི་ན་རྒྱལ་པོ་ལ་ལ་ཞིག་འདི་སྐད་ཅེས་མཆི་སྟེ། ཇི་ལྟར་ན་དགེ་སློང་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཞེས་བགྱི་ཞེས་མཆི་བ་ལ་ལན་གདབ་འཚལ་ལགས་སོ། །བཀའ་སྩལ་པ། འདི་ན་དགེ་སློང་རྙེད་པ་དང་བཀུར་སྟིའི་ཕྱིར་རམ། ཟང་ཟིང་གི་ཕྱིར་ཚུལ་
D120.054.0098b03.01འཆོས་པ་དང་། ཁ་གསག་བྱེད་པ་ཡོད་དེ། ཇི་ལྟར་བྱས་ན་བདག་བསོད་སྙོམས་པ་ཡིན་པར་གཞན་དག་གིས་ཤེས་པར་འགྱུར་ཞིག་གུ་དེ་ལྟར་བྱས་དང་རྙེད་པ་ཐོབ་པར་འགྱུར་རོ་སྙམ་སྟེ། བསྔགས་པ་འདོད་པ་རྨོངས་པའི་རང་བཞིན་ཅན་དུ་གྱུར་པས་བདག་གིས་འབྲས་བུ་མ་ཐོབ་པར་བདག་
D120.054.0098b04.01གིས་འབྲས་བུ་ཐོབ་པར་གཞན་གྱིས་ཤེས་པར་བྱའོ། །བདག་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཡིན་པར་གཞན་དག་གིས་ཤེས་པར་བྱའོ། །དགེ་བསྙེན་མདུན་ན་འཁོད་པ་རྣམས་ཀྱང་སྐྱེ་བོ་ཐམས་ཅད་ཀྱིས་བདག་དེ་ལྟ་བུ་ཡིན་པར་
D120.054.0098b05.01ཤེས་པར་འགྱུར་བའི་ཚིག་སྨྲར་གཞུག་གོ་སྙམ་ནས་ཆོས་ཐོབ་པར་བྱ་བའི་ཕྱིར་མ་ཡིན་པར་ཡིད་ལ་བྱེད་པ་དེ་ལྟ་བུ་རྙེད་པ་དང་། བཀུར་སྟི་དང་། བླ་མའི་མཆོད་པ་དང་། ཕྱག་བྱ་བ་དང་། ཟང་ཟིང་གི་ཕྱིར་དགྲ་བཅོམ་པ་འདྲ་བར་ཕན་ཚུན་ལྟ་བའི་ཐབས་དང་། མིག་འཛུམས་
D120.054.0098b06.01པ་དང་། འགྲོས་རྣམས་འཆོས་པར་བྱེད་ཅིང་། ཆོས་གོས་དང་། སྣམ་སྦྱར་དང་། ལྷུང་བཟེད་རྣམས་འཆང་ལ། མལ་ཆ་དང་། སྟན་སར་པའི་སྟེང་ན་འདུག་པ་དང་། སྐྱེ་བོ་དག་གིས་བདག་དགེ་སློང་བཟང་པོ་དགེ་སློང་དཀའ་ཐུབ་ཅན་ཡིན་ནོ་ཞེས་བརྗོད་པར་འགྱུར་བར་
D120.054.0098b07.01