完整藏文原文 · 德格版页 当前仅加载第 54 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཡལ་ག་རླུང་གིས་བསྐྱོད་པ་ལས་ཀྱང་སིལ་སྙན་དགའ་བར་བྱེད་པའི་སྒྲ་སྙན་ཅིང་ཆགས་སུ་རུང་བ་འབྱུང་བ་སྣ་ལྔ་ལྔ་སྒྲོགས་ཏེ། སྒྲ་དེ་དག་གིས་སེམས་ཅན་དེ་དག་རྩེ་ཞིང་དགའ་ལ་དགའ་མགུར་སྤྱོད་དོ། །འོབས་དེ་དག་ཐམས་ཅད་ཀྱང་ཆུ་བསིལ་ཞིང་ཤེལ་
D120.054.0018b01.01བཞིན་དུ་དང་བ་དག་གིས་གང་བར་འདུག་སྟེ། དེ་དག་གི་ནང་ཁོ་ར་ཁོར་ཡུག་ཏུ་སེམས་ཅན་དེ་དག་རིན་པོ་ཆེའི་གྲུ་དག་གིས་དགའ་ཞིང་རྒྱུ་བར་བྱེད་དོ། །ཆུ་དེ་དག་ཀྱང་པད་མ་དང་། ཨུད་པ་ལ་དང་། ཀུ་མུ་ད་ཤིང་རྟའི་འཕང་ལོ་ཙམ་ཤ་སྟག་གིས་བརྒྱན་ཏོ། །
D120.054.0018b02.01འོབས་ཀྱི་ཁོ་ར་ཁོར་ཡུག་ཀྱང་སྐྱེད་མོས་ཚལ་གྱི་ཕྲེང་བས་མཛེས་པར་བྱས་ཏེ། སྐྱེད་མོས་ཚལ་རེ་རེ་ལ་ཡང་རྫིང་བུ་ཐག་གྲུ་དཔག་ཚད་ཕྱེད་པ་ལྔ་ལྔ་ཡོད་དོ། །རྫིང་བུའི་ཆུ་དེ་དག་ཀྱང་པད་མ་དང་། ཨུད་པ་ལ་དང་། ཀུ་མུ་ད་ཁ་དོག་སྣ་ཚོགས་དྲི་ཞིམ་པོ་ཤིང་རྟའི་
D120.054.0018b03.01འཕང་ལོ་ཙམ་ཤ་སྟག་གིས་ཁེབས་པར་འདུག་ལ། ཤིང་ལྗོན་པ་མེ་ཏོག་རྒྱས་པའི་ཕྲེང་བས་མཛེས་པར་བྱས་སོ། །སྐྱེད་མོས་ཚལ་ཁོ་ར་ཁོར་ཡུག་ན་ཡང་ངང་ངུར་དང་། ཟལ་མོ་དང་། ཁྲུང་ཁྲུང་ཤུག་དག་གིས་པད་མའི་ཟེ་འབྲུ་མྱོང་བར་བྱེད་དོ། །ཁོ་ར་
D120.054.0018b04.01ཁོར་ཡུག་གི་སྐྱེད་མོས་ཚལ་དེ་དང་དེ་དག་ན་ཡང་ཁང་ཁྱིམ་དག་ཡོད་ལ། ཁང་པ་རེ་རེ་ལ་ཡང་ཆུ་ཞེང་དུ་དཔག་ཚད་བཞི་བཞི་ཡོད་དེ། རྩིག་པ་ནི་གསེར་དང་། དངུལ་དང་། བཻ་དཱུརྱ་དང་། ཤེལ་ལས་བྱས། ས་གཞི་ནི་ཀེ་ཀེ་རུ་ལས་གྲུབ་པ་སྟེ། ནོར་བུའི་
D120.054.0018b05.01འཇོ་ཚར་གྱིས་སྤེལ་ཅིང་སྣང་བར་བྱས་པའི་མུ་ཏིག་གི་དོ་ཤལ་སྤྱངས་པ་དང་ལྡན་པ། གསེར་གྱི་རྟ་བབས་ཆེན་པོ་དང་། སྐར་ཁུང་དང་། དྲ་བ་དག་གིས་བརྒྱན་པའི་ཁང་{བཟངས་,བཟང་}མཐོན་པོ་ས་གཞི་ནི་གསེར་གྱི་བྱེ་མ་བདལ་བ་དང་ལྡན་པ་ཤ་སྟག་གོ། །རྫིང་བུ་རྣམས་
D120.054.0018b06.01ཀྱང་འདྲུལ་བའི་ལམ་གསེར་གྱི་ཐེམ་སྐས་ཐེམ་པ་{བཅྭ་,བཅོ་}བརྒྱད་དང་ལྡན་པ་དང་། མཐའ་ཐོག་ཐག་ཏུ་གསེར་གྱི་ཆུ་ཤིང་གི་ཕྲེང་བས་མཛེས་པར་བྱས་པའི་ལྷའི་ཙན་དན་གྱི་དྲི་བསུང་ཅན་གྱི་ཆུ་དང་ལྡན་པ་ཤ་སྟག་གོ། །གྲོང་ཁྱེར་ཆེན་པོ་དེ་དག་རེ་རེའི་ནང་ན་ཡང་རྒྱལ་པོ་བརྒྱད་ཁྲི་བཞི་སྟོང་
D120.054.0018b07.01