完整藏文原文 · 德格版页 当前仅加载第 54 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བས་བཟང་བ་དག་ཁྱེར་བ་ལས། སྔ་མ་བཞིན་དུ་ཞལ་ཟས་མ་བཞེས་ནས་ཡིད་མི་དགའ་བར་གྱུར་ཏེ། ཤིང་སཱ་ལ་ཟུང་གི་བར་དུ་རང་རང་གི་གཟི་བརྗིད་ཀྱིས་སྣང་བར་བྱས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་སྲིན་པོའི་
D120.054.0012a01.01བདག་པོ་འཇིགས་བྱེད་ལ་སོགས་པ་སྲིན་པོའི་བདག་པོ་གང་གཱའི་ཀླུང་བརྒྱད་ཅུའི་བྱེ་མ་སྙེད་སྲིན་པོའི་བསམ་པ་མེད་པ་ཤ་སྟག་གིས་གཟི་བརྗིད་ཆེན་པོའི་ཚོགས་ཀྱིས་སཱ་ལ་ཟུང་གི་དྲུང་དུ་སྣང་བར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ་ཕྱོགས་གཅིག་ཏུ་
D120.054.0012a02.01འཁོད་དོ། །གཞན་ཡང་དེའི་ཚེ་འབྲས་བུའི་ཤིང་གི་བདག་པོ་དྲི་སྲེལ་ལ་སོགས་པ་འབྲས་བུའི་ཤིང་གི་བདག་པོ་གང་གཱའི་ཀླུང་དགུ་བཅུའི་བྱེ་མ་སྙེད་ཀྱིས་སྔ་མའི་མཆོད་པ་ཐམས་ཅད་པས་ཉིས་འགྱུར་ཉིས་འགྱུར་གྱིས་ལྷག་པའི་མཆོད་པའི་ཚོགས་ཁྱེར་ནས། ཁུ་བྱུག་
D120.054.0012a03.01ཕོ་རྒྱགས་པ་རྣམས་དང་། བུང་བ་རྣམས་སྐད་འབྱིན་པ་དང་ལྡན་པའི་མེ་ཏོག་འཚེར་བའི་འཁྲི་ཤིང་མང་པོའི་དོག་པ་དང་། ལོ་མ་ཁ་འབུས་པ་རྣམས་ཀྱིས་ས་ཕྱོགས་བརྒྱན་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་རིག་སྔགས་འཆང་གི་རྒྱལ་པོ་
D120.054.0012a04.01སྒྱུ་འཕྲུལ་ཆེན་པོ་ལ་སོགས་པ་རིག་སྔགས་འཆང་གི་རྒྱལ་པོ་གང་གཱའི་ཀླུང་སྟོང་གི་བྱེ་མ་སྙེད་ཀྱིས་མཆོད་པ་སྔ་མའི་ཉིས་འགྱུར་བས་ལྷག་པའི་མཆོད་པ་དག་ཁྱེར་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷ་མོ་འདོད་དགུར་སྒྱུར་བའི་གཟུགས་ཅན་
D120.054.0012a05.01ལེགས་མཐོང་མ་ལ་སོགས་པ་གང་གཱའི་ཀླུང་བྱེ་བའི་བྱེ་མ་སྙེད་ཀྱིས་ཡངས་པ་ཅན་གྱི་རྒྱལ་པོའི་བཙུན་མོའི་མཆོད་པ་ཉིས་འགྱུར་བས་ལྷག་པ་དག་ཁྱེར་ཏེ། རང་རང་གི་རྒྱན་རྣམས་བཅོམ་ལྡན་འདས་ཀྱི་སྤྱན་སྔར་ས་ལ་སྤུངས་ནས་ཕྱོགས་གཅིག་ཏུ་འཁོད་དོ། །གཞན་ཡང་
D120.054.0012a06.01དེའི་ཚེ་ལྷའི་བུ་མོ་རམ་བྷ་དང་། ཨུརྦ་ཤི་ལ་སོགས་པ་ལྷའི་བུ་མོ་གང་གཱའི་ཀླུང་བྱེ་བ་ཕྲག་བརྒྱའི་བྱེ་མ་སྙེད་མཆོད་པ་སྔ་མའི་ཉིས་འགྱུར་ཉིས་འགྱུར་བས་ཆེས་ལྷག་པར་མང་ཞིང་སྤ་བ་དག་གིས་མདུན་དུ་དྲངས་ཏེ། སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །གཞན་ཡང་དེའི་
D120.054.0012a07.01