完整藏文原文 · 德格版页 当前仅加载第 54 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་བ་སྟོན་པར་འགྱུར། །ཇི་ལྟར་ཟླ་བ་ཚེས་འདྲ་བར། །འཇིག་རྟེན་རྣམས་ལ་ཆོས་ཀྱང་སྟོན། །ཇི་ལྟ་བུར་ནི་གཞའ་གསང་དུ། །ཡོངས་སུ་མྱ་ངན་འདས་པ་སྟོན། །ཇི་ལྟར་ལྷ་དང་བདུད་འདྲ་བར། །བརྟན་པོར་འགྱུར་ཞིང་དཔའ་བར་འགྱུར། །
D120.054.0038b01.01ཇི་ལྟར་ཆོས་ཀྱི་སྒོ་རྟོགས་ནས། །ཆོས་ཉིད་ཀྱང་ནི་འཚལ་བར་འགྱུར། །ཇི་ལྟར་བྱང་ཆུབ་སེམས་དཔའ་རྣམས། །ནད་མེད་པར་ཡང་འགྱུར་བ་ལགས། །སེམས་ཅན་ཀུན་ལ་སྨན་པའི་ཕྱིར། །དེ་དག་ཇི་ལྟར་དགོངས་པ་འཆད། །ཇི་ལྟར་དགེ་བ་
D120.054.0038b02.01ལྷག་མར་བཅས། །ཇི་ལྟར་ཐེ་ཚོམ་སྤོང་བར་འགྱུར། །བློ་གྲོས་ཆེན་པོ་ཇི་ལྟར་ན། །བྱང་ཆུབ་མཆོག་ཏུ་ཉེ་བར་འགྱུར། །ཆ་ཕྲ་གཟིགས་པ་ཁྱོད་ཉིད་ཀྱིས། །བྱང་ཆུབ་སེམས་དཔའི་སྤྱོད་པ་གསུངས། །ཆོས་རྣམས་དུ་མའི་སྒོ་དག་ཀྱང་། །
D120.054.0038b03.01འདྲེན་པ་ཁྱོད་ཀྱིས་བཀའ་སྩོལ་ཅིག །སེམས་ཅན་ཀུན་གྱི་སྨན་པ་པོ། །རྐང་གཉིས་རྣམས་ལ་སྨན་སྟོན་ཅིག །ཐུབ་པའི་ཕུང་པོ་འདི་དག་ལས། །བདག་གིས་ཞུ་བའི་ཡུལ་མ་མཆིས། །བྱང་ཆུབ་སེམས་དཔའ་བརྟན་རྣམས་ཀྱི། །ཡུལ་ནི་ཐམས་
D120.054.0038b04.01ཅད་མཁྱེན་པ་ལགས། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྲམ་ཟེའི་རིགས་ཆེ་ཞིང་མཐོ་བའི་བུ་འོད་སྲུང་ཆེན་པོ་དང་རུས་གཅིག་པ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ལེགས་སོ་ལེགས་སོ། །རིགས་
D120.054.0038b05.01ཀྱི་བུ་ཁྱོད་ཇི་ལྟར་དེ་བཞིན་གཤེགས་པའི་གསང་བའི་མདོ་ཆེན་པོ་ལས་ཐམས་ཅད་མཁྱེན་པ་དང་། ཐམས་ཅད་མཁྱེན་པ་ནང་འདྲི་བར་མཛད་པ་བཞིན་དུ་འདྲི་བ་ནི་ལེགས་ཏེ། འཇིག་རྟེན་གྱི་ཁམས་གང་གཱའི་ཀླུང་མང་པོ་གྲངས་མེད་པའི་བྱེ་མ་སྙེད་ཀྱི་ཕ་རོལ་ན།
D120.054.0038b06.01ཐམས་ཅད་མཁྱེན་པ་རང་རང་གི་འཇིག་རྟེན་གྱི་ཁམས་ན་བཞུགས་པ་དག་ང་དང་ཐབས་ཅིག་ཏུ་བྱང་ཆུབ་ཀྱི་ཤིང་དྲུང་དུ་བྱང་ཆུབ་ཀྱི་ཕྱིར་རོལ་ཏེ། བྱང་ཆུབ་ཙམ་པས་དེ་བཞིན་གཤེགས་པའི་གསང་བ་བསྟན་པའི་དོན་དུ་བྱང་ཆུབ་ཀྱི་ཕྱིར་རོལ་པ་དེ་བཞིན་དུ་ཁྱོད་ཀྱང་
D120.054.0038b07.01