完整藏文原文 · 德格版页 当前仅加载第 54 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་བཞིན་དུ་རྣམ་པ་མང་པོར་རྟོག་པར་བྱེད་དེ། འཇིག་རྟེན་པ་རྣམས་སྐྱེས་བུ་མཐེ་བོ་ཙམ་ཞེས་བྱ་བ་དང་། ལྡུམ་བུ་ཤ་མ་ཀའི་འབྲས་བུ་ཙམ་དང་། འབྲས་ཀྱི་འབྲུ་ཙམ་ཞིག་སྙིང་ལ་གནས་ཏེ་འབར་རོ་ཞེས་ལོག་པར་རྟོག་པར་བྱེད་དེ། དེ་དག་གི་ལྟ་བ་
D120.054.0115a01.01དེ་ནི་ལོག་པར་ལྟ་བ་གཅིག་ནས་གཅིག་ཏུ་བརྒྱུད་དེ་འོངས་པ་ཡིན་ཏེ། དོན་དུ་འགྱུར་བ་དང་བདེ་བར་འགྱུར་བ་མ་ཡིན་ནོ། །དེ་བས་ན་ངས་བདག་མེད་པར་བསྟན་ཏོ། །འོན་ཀྱང་ད་དུང་འཇིག་རྟེན་པ་རྣམས་བདག་ཡོད་དོ་སྙམ་དུ་ལོག་པར་རྟོག་པར་བྱེད་དོ། །རིགས་ཀྱི་
D120.054.0115a02.01བུ་དེ་བས་ནད་ཡང་ངའི་བསྟན་པ་ལས་རལ་གྲི་ཡང་དག་པ་དང་འདྲ་བར་བདག་ནི་འདི་ལྟ་བུ་ཞིག་གོ་ཞེས་དེ་བཞིན་གཤེགས་པའི་སྙིང་པོ་ངས་བཤད་པར་བྱའོ། །ལེགས་པར་སྨྲས་པ་ཆོས་དང་འཚམ་པ་གང་ཡིན་པ་དེ་ནི་འཇིག་རྟེན་པ་རྣམས་ཀྱི་ཡིན་ན་ཡང་འཇིག་རྟེན་ལས་འདས་
D120.054.0115a03.01པ་ཡིན་པར་རིག་པར་བྱའོ། །འཇིག་རྟེན་པའི་ནང་ན་རྣམ་པ་ཐམས་ཅད་དུ་ཆོས་ཀྱི་མཆོག་ནི་བྱང་ཆུབ་སེམས་དཔའ་སྤྲུལ་པ་ཡིན་པར་རིག་པར་བྱ་སྟེ། བསྟན་བཅོས་སམ། རིག་སྔགས་སམ། གསང་སྔགས་ཅི་ཡང་རུང་བ་དེ་དག་ཐམས་ཅད་ནི་རྫོགས་པའི་སངས་རྒྱས་
D120.054.0115a04.01ཀྱིས་གསུངས་པ་ཡིན་པར་ཤེས་པར་གྱིས་ཤིག །གསོལ་པ། བཅོམ་ལྡན་འདས་ཀྱིས་ཡི་གེའི་ཕྱི་མོ་ཇི་ལྟར་བཀའ་སྩལ་ལགས། བཅོམ་ལྡན་འདས་ཀྱིས་བཀའ་སྩལ་པ། ཡི་གེའི་ཕྱི་མོ་ཐམས་ཅད་ནི་ཐོག་མར་ཡི་གེ་ཕྱེད་པ་སྤྲུལ་ཏེ། ཕྱི་མོ་རྣམས་ལ་རིག་སྔགས་དང་།
D120.054.0115a05.01གསང་སྔགས་དང་། ཆོས་ཀྱི་དེ་ཁོ་ན་ཉིད་དང་། ཕུང་པོ་ཐམས་ཅད་ཀྱི་གཟུངས་སུ་འགྱུར་རོ། །དེ་ཡང་དམ་པའི་ཆོས་ཀྱི་ཚུལ་ཡི་གེའི་ཕྱི་མོ་བསླབས་ན་ཆོས་དང་ཆོས་མ་ཡིན་པའི་བྱེ་བྲག་ཕྱེད་པར་འགྱུར་བའི་ཕྱིར་ངས་སྤྲུལ་པ་ཡིན་གྱི། ཆོས་མ་ཡིན་པའི་ཕྱིར་ནི་མ་ཡིན་ནོ། །
D120.054.0115a06.01གསོལ་པ། ཡི་གེ་ཞེས་བགྱི་བའི་དོན་གང་ལགས། བཀའ་སྩལ་པ། སྒྲ་བཅུ་བཞི་ལ་ནི་ཡི་གེ་ཞེས་བྱ་སྟེ། གང་གི་ཕྱིར་ཡི་གེ་ཐམས་ཅད་ངེས་པ་ཡིན་པའི་ཕྱིར་ཏེ་མི་ཟད་པའི་དོན་ཏོ། །ཡི་གེའི་སྒྲ་བཅུ་བཞི་ཞེས་བྱ་བ་གང་གི་མི་ཕྱེད་པའི་དོན་གང་ཡིན་ཞེ་ན། མི་ཟག་པའི་
D120.054.0115a07.01