完整藏文原文 · 德格版页 当前仅加载第 54 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
བལ་གྱི་ཤིང་དང་། བལ་མི་ཀི་དང་། ཀར་ན་བལ་ལྱ་དང་། སྐན་ད་སྟ་བ་དང་། ཀེ་ཏ་ཀི་དང་། པད་ཏྲ་ཀ་དང་། བི་ར་ན་དང་། རོ་ཙ་ན་རྣམས་ནི་བཅད་དེ་དུམ་བུར་གཏུབས་ནས་ཁྱེར་ཏེ་ཁྱིམ་དུ་བཞག་ཀྱང་གལ་ཏེ་ཆུའི་རླན་དང་ཕྲད་ཕན་ཅད་མྱུར་དུ་སྐྱེ་བར་འགྱུར་ཏེ།
D120.054.0129a01.01ལོ་མ་ཁ་འབུ་བ་དང་། སྙེ་མ་དང་ལྡན་ཞིང་ཡལ་ག་དང་སྡོང་བུ་དང་ལྡན་ཏེ་ཤིང་ལྗོན་པ་ཞེས་བྱ་བའི་གྲངས་སུ་གཏོགས་པར་འགྱུར་རོ། །དེ་བཞིན་དུ་བསྟན་པ་འདི་ལ་ཡང་ཕམ་པ་བྱེད་པ་རྣམས་དང་། མཚམས་མེད་པ་བྱེད་པ་རྣམས་ཤིང་ཏ་ལའི་མགོ་བཅད་པ་བཞིན་དུ་གྱུར་པ་ལས།
D120.054.0129a02.01མདོ་སྡེ་འདི་ཐོས་མ་ཐག་ཏུ་སེམས་བསྐྱེད་པ་དགོས་པར་མི་འཛིན་གྱིས་ཀྱང་མི་མཆོག་དེ་དག་ནི་ཤིང་ས་ལ་ཀི་དང་། དོང་ཀའི་ཤིང་ལ་སོགས་པ་བཞིན་དུ་བྱང་ཆུབ་ཏུ་འཁྲུང་བར་འགྱུར་རོ། །དཔེར་ན་སེང་ལྡེང་དང་ཏིན་དུ་ཀའི་ཤིང་ལྗོན་པ་རྣམས་ནི་བཅད་ཕན་ཅད་ས་བོན་ཚིག་པ་བཞིན་དུ་
D120.054.0129a03.01སྐྱེ་བར་མི་འགྱུར་བ་དེ་བཞིན་དུ་འདོད་ཆེན་པའི་སེམས་ཅན་རྣམས་ཀྱིས་ཀྱང་མདོ་སྡེ་འདི་ལན་མང་དུ་ཐོས་ཀྱང་ས་བོན་ཚིག་པ་བཞིན་དུ་བྱང་ཆུབ་ཏུ་འཁྲུང་བར་མི་འགྱུར་རོ། །དཔེར་ན་སྤྲིན་ཆེན་པོ་ལས་ཆར་བབ་ཏུ་ཟིན་ཀྱང་ས་ཕྱོགས་བྱིལ་པོར་འདུག་པ་ལ་ཆུ་མི་ཆགས་པ་བཞིན་
D120.054.0129a04.01དུ་མདོ་སྡེ་ཆེན་པོའི་སྤྲིན་འདི་ལས་ཆོས་ཀྱི་ཆར་འབབ་མོད་ཀྱི་འདོད་ཆེན་པ་ལ་བྱང་ཆུབ་ཀྱི་རྒྱུ་མི་འཆགས་ཏེ། དེ་ནི་རྡོ་རྗེ་བཞིན་དུ་བྱིལ་པོར་འདུག་པའི་ཕྱིར་རོ། །འདོད་ཆེན་པ་རྣམས་ཀྱིས་ནི་དགེ་བ་བྱས་པ་ནི་མི་མཐོང་གི། སྨད་པ་དང་། བཤུང་བའི་སྡིག་པ་གང་ཡིན་པ་ནི་
D120.054.0129a05.01མཐོང་ངོ་། །ལེགས་པར་བྱས་པ་ནི་བྱང་ཆུབ་ཀྱི་དོན་ཏོ། །མི་འོང་བ་ནི་མི་ཕྲད་པའི་དོན་ཏོ། །དགོངས་པ་ནི་དགེ་བའི་དོན་ཏོ། །དགོངས་པ་ལས་ཁྱད་པར་དུ་འཕགས་པའི་དགེ་བ་སུ་ལ་མི་འོང་ཞེ་ན། ལས་བཟང་པོ་ནི་འདོད་ཆེན་པ་ལ་མི་འོང་ངོ་། །དགེ་བའི་སེམས་སུ་ལ་མི་འོང་ཞེ་
D120.054.0129a06.01ན། འདོད་ཆེན་པ་ཞེས་གྲགས་པ་ནི་དགེ་བ་མེད་པའི་སེམས་ཅན་ང་རྒྱལ་གྱི་དབང་དུ་གྱུར་པ་ཡིན་ཏེ། འདོད་ཆེན་པ་དེ་ལ་མི་འོང་ངོ་། །གཞིའི་ཡན་ལག་ཅི་ཞེ་ན། མདོ་སྡེ་སྤོང་བའོ། །དེ་བས་ན་མདོ་སྡེ་སྤོང་བ་ནི་འཇིགས་སུ་རུང་བ་ཡིན་ཏེ། དེས་འཇིགས་པར་གྱིས་ཤིག །དེ་ཡི་ཕྱིར་ན་
D120.054.0129a07.01