完整藏文原文 · 德格版页 当前仅加载第 54 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་འབྱུང་པོའི་ཚོགས་པ་བ་སངས་ལྟར་འཁོར་བ་ཞེས་བྱ་བ་ལ་སོགས་པ་གང་གཱའི་ཀླུང་བྱེ་བ་ཕྲག་སྟོང་གི་བྱེ་མ་སྙེད་སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་འཇིག་རྟེན་སྐྱོང་བ་བཞིའི་ལྷའི་བུ་གང་གཱའི་ཀླུང་བྱེ་བ་ཕྲག་འབུམ་དང་ལྷན་ཅིག་ཏུ་མཆོད་པ་
D120.054.0012b01.01སྔ་མའི་ཉིས་འགྱུར་ཉིས་འགྱུར་བས་ལྷག་པ་དག་ཁྱེར་ནས། བཅོམ་ལྡན་འདས་ལ་ཕྱག་འཚལ་ཏེ། ཞལ་ཟས་བཞེས་པར་གསོལ་བ་བཏབ་ཀྱང་། བཅོམ་ལྡན་འདས་ཀྱིས་མ་བཞེས་ནས། སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་རླུང་ལྷ་བཞི་
D120.054.0012b02.01རླུང་གཏོང་བའི་ལྷ་གང་གཱའི་ཀླུང་བྱེ་བ་ཕྲག་འབུམ་དང་ལྷན་ཅིག་ཏུ་དུས་མ་ཡིན་པར་ཡང་ཤིང་ལྗོན་པ་དང་། འཁྲི་ཤིང་དང་། ཤིང་གེལ་པ་དང་། ནགས་མ་རྣམས་དང་། སྙེ་མ་དང་། མེ་ཏོག་གི་འཁྲི་ཤིང་དང་། བྱི་རུ་རྣམས་ཀྱིས་ས་ཕྱོགས་རྒྱན་པར་བྱེད་ཅིང་། དུས་
D120.054.0012b03.01ཚིགས་ཐམས་ཅད་ཀྱི་མེ་ཏོག་གི་དཔལ་རྣམས་ཕྱོགས་སུ་རྒྱས་པར་བྱེད་ལ། ལོ་མ་ཁ་འབུས་པ། རྩ་བ་དམར་བ་རྣམས་ཀྱིས་ཤིང་སཱ་ལ་ཟུང་ཉི་མ་འཆར་ཀའི་འོད་ཟེར་སེར་པོ་ཇ་ཧོང་ཁར་འདུག་པ་བཞིན་དུ་བྱས་ནས། མཆོད་པ་སྔ་མའི་ཉིས་འགྱུར་བས་ལྷག་པའི་མཆོད་
D120.054.0012b04.01པ་དག་ཁྱེར་ཏེ། བཅོམ་ལྡན་འདས་ལ་མཆོད་པ་བྱས་ནས། སྔ་མ་བཞིན་དུ་ཤིང་སཱ་ལ་ཟུང་གི་དྲུང་དུ་འཁོད་དོ། །གཞན་ཡང་དེའི་ཚེ་ཆར་པ་འབེབས་པའི་ལྷ་གང་གཱའི་ཀླུང་གི་བྱེ་མ་སྙེད་སྤྲིན་ཆེན་པོ་དང་། ཆུ་སྐྱར་རྣམས་ཕྱི་བཞིན་འབྲང་ཞིང་གློག་འགྱུ་བའི་གསེབ་ནས་
D120.054.0012b05.01རྨ་བྱའི་མགྲིན་པ་ལྟར་མདོག་སྔོ་བའི་ཆར་གྱི་རྒྱུན་འབབ་ལ། འབྲུག་སྒྲ་དལ་ནས་སྒྲོགས་པའི་སྤྲིན་དང་ལྡན་པས་ཆར་ཟིམ་བུ་བསིལ་བ་དང་འདྲེས་པའི་མེ་ཏོག་གི་ཆར་འབེབས་ཤིང་། བཅོམ་ལྡན་འདས་ལ་ཕྱག་འཚལ་ཏེ། ཞལ་ཟས་མ་བཞེས་ནས་རེ་ཐག་ཆད་དེ། དེ་བཞིན་
D120.054.0012b06.01གཤེགས་པའི་གདུང་ཞུགས་ལ་བཞེན་པའི་མེ་བསད་པའི་ཕྱིར་ནམ་མཁའ་ཉིད་ལ་འཁོད་དོ། །གཞན་ཡང་དེའི་ཚེ་སྤོས་ཀྱི་གླང་པོ་སྒྲ་གཅན་དང་། ལུང་ཏང་མདོག་དང་། སྦྲང་རྩི་མདོག་སེལ་དང་། འདོད་དགུའི་སྤོས་ལྡན་ལ་སོགས་པ་སྤོས་ཀྱི་གླང་པོ་གང་གཱའི་ཀླུང་ཉི་ཤུའི་
D120.054.0012b07.01