完整藏文原文 · 德格版页 当前仅加载第 54 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་དང་། དགེ་འདུན་ལྟ་བུར་གྱུར་ཅིག །བདག་དམུས་ལོང་དང་འདྲ་བའི་དགེ་འདུན་རྣམས་ཀྱི་མིག་ལྟ་བུར་གྱུར་ཅིག །བདག་ལ་ཉན་ཐོས་དང་རང་སངས་རྒྱས་སྦྲང་བུ་དང་འདྲ་བ་ཐམས་ཅད་སྐྱབས་སུ་འོང་བར་ཤོག་ཤིག་ཅེས་གྱིས་ཤིག །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་
D120.054.0108b01.01དཔའ་ཆེན་པོ་རྣམས་ནི་བྱིས་པ་རྣམས་ལ་སྡིག་པའི་ཕུང་པོ་ཟད་མི་ཤེས་པ་ལྟ་བུ་ཡང་ཡིན་ནོ། །མཁས་པ་རྣམས་ནི་དེ་དག་ཉིད་སངས་རྒྱས་ལྟ་བུ་ཡང་ཡིན་ནོ། །དཔེར་ན་དཔའ་བོ་ཡང་དག་པ་ནི་གཡུལ་དུ་འཐབ་པ་ན་འདི་སྙམ་དུ་སེམས་ཏེ། བདག་གིས་དཔའ་བོ་ཐམས་ཅད་ཕམ་
D120.054.0108b02.01པར་བྱས་ནས་ཐམས་ཅད་བདག་ལ་སྐྱབས་སུ་འོང་བར་བྱའོ་སྙམ་དུ་སེམས་པ་དང་། དཔེར་ན་རྒྱལ་པོའི་བུ་ནི་རྒྱལ་པོ་བརྗེ་བའི་སྐབས་སུ་རྒྱལ་པོའི་བུ་ཐམས་ཅད་ལས་འདས་པར་བྱས་ཏེ་བདག་གིས་རྒྱལ་པོ་བྱའོ། །བདག་རྒྱལ་པོའི་བུ་ཐམས་ཅད་ཀྱི་མངའ་བདག་ཏུ་འགྱུར་བར་བྱའོ། །
D120.054.0108b03.01བདག་ལ་དེ་དག་སྐྱབས་སུ་འོང་བར་བྱའོ། །བདག་གིས་དམན་པའི་སེམས་བསྐྱེད་པར་མི་བྱའོ་སྙམ་དུ་སེམས་པ་ལྟ་བུ་སྟེ། དཔའ་བོ་རྣམས་དང་། རྒྱལ་པོ་དང་། བློན་པོ་ཡང་རུང་སྟེ། ཤིན་ཏུ་མཆོག་ཏུ་གྱུར་པས་ཁྱད་པར་དུ་འཕགས་པ་དེ་ལྟ་བུའི་རང་བཞིན་ཅན་རྣམས་ནི་རང་གི་
D120.054.0108b04.01ཡོན་ཏན་དང་འཚམ་པའི་བྱ་བ་སྒྲུབ་པར་བྱེད་དོ། །རིགས་ཀྱི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གཞི་གསུམ་ལས་འདའ་བར་འགྱུར་བའི་སེམས་དང་ལྡན་པ་ཡིན་ནོ། །དེ་བས་ན་རྒྱལ་པོའི་བུ་དང་དཔའ་བོ་བཞིན་དུ་མི་འཇིགས་པར་སྙིང་སྟོབས་སྐྱེད་ཅིག་དང་ངས་
D120.054.0108b05.01གཞི་གསུམ་ཐ་དད་པ་མེད་པ་དང་། གསུམ་གྱི་ནང་ན་དེ་བཞིན་གཤེགས་པ་དམ་པ་ཡིན་པར་ངས་བསྟན་ཏོ། །ལུས་ཐམས་ཅད་ཀྱི་ནང་ན་མགོ་བོ་གཙོ་བོ་ཡིན་པ་དེ་བཞིན་དུ་སངས་རྒྱས་ཉིད་གཙོ་བོ་ཡིན་ལ། ཇི་ལྟར་ལུས་ལས་མགོ་བོ་གུད་ན་འདུག་པ་ཡང་མ་ཡིན། ལག་པ་གུད་ན་འདུག་
D120.054.0108b06.01པའང་མ་ཡིན། རྐང་པ་གུད་ན་འདུག་པའང་མ་ཡིན་པ་དེ་བཞིན་དུ་སངས་རྒྱས་གུད་ན་འདུག་པའང་མ་ཡིན། ཆོས་གུད་ན་འདུག་པའང་མ་ཡིན། དགེ་འདུན་གུད་ན་འདུག་པའང་མ་ཡིན་ནོ། །འོན་ཀྱང་ཐ་དད་དུ་དབྱེ་བ་ནི་བྱིས་པ་རྣམས་ངེས་པར་བསྒྲལ་བའི་ཕྱིར་ཐེམ་སྐས་དང་འདྲ་བར་བསྟན་
D120.054.0108b07.01