完整藏文原文 · 德格版页 当前仅加载第 54 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་དེ་བཞིན་གཤེགས་པ་མྱ་ངན་ལས་མ་འདས་ན་ནི་ད་དུང་མྱ་ངན་མངའ་སྟེ། རྫོགས་པར་སངས་མ་རྒྱས་པ་ཞེས་བགྱིའོ། །བཀའ་སྩལ་པ། རྒྱུ་ཡོད་དེ་གང་ན་གདུལ་བར་བྱ་བ་རྣམས་ཡོད་པ་དེར་ནི་རྫོགས་པའི་སངས་རྒྱས་སྣང་སྟེ་དེར་སྐྱེ་བ་ལྟ་བུར་སྟོན་ཏོ། །དེ་བས་ན་དེ་
D120.054.0122b01.01བཞིན་གཤེགས་པ་ནི་རྟག་པ་ཡིན་ཏེ་སངས་རྒྱས་བྱ་བཞད་དང་ཟལ་མོ་ལྟ་བུ་ཞེས་བྱའོ།། །།བམ་པོ་བཅུ་གཅིག་པ། རིགས་ཀྱི་བུ་དཔེར་ན་ཟླ་བ་ནི་ཉིན་པར་སྣང་བ་ན་ཁ་ཅིག་ཏུ་ལྟུང་བ་ལྟ་བུར་སྣང་སྟེ། དེ་ནས་སེམས་ཅན་རྣམས་ཀྱིས་ཟླ་བ་ལྷུང་ངོ་སྙམ་དུ་
D120.054.0122b02.01འཛིན་ཏོ། །ཟླ་བ་ནི་མེད་པར་མི་འགྱུར་ཏེ། གླིང་གཞན་དུ་འཆར་བར་འགྱུར་ལ་དེར་ཡང་ཟླ་བ་སྐྱེས་པ་མེད་དོ། །སེམས་ཅན་རྣམས་ཀྱིས་ནི་ཟླ་བ་ཤར་ཏོ་སྙམ་དུ་འཛིན་ཏེ། ཟླ་བ་ནི་ལྟུང་བ་ལྟ་བུར་སྣང་ཡང་འཇིག་པར་མི་འགྱུར་ལ་འཆར་བ་ལྟ་བུར་སྣང་ཡང་སྐྱེ་བ་མེད་དེ། རིའི་
D120.054.0122b03.01རྒྱལ་པོ་རི་རབ་ཀྱིས་བསྒྲིབས་པས་མི་སྣང་བར་ཟད་ལ། ཟླ་བ་ནི་རང་བཞིན་གྱིས་སྐྱེས་ཟིན་པ་ཡིན་ཏེ་སྣང་བྱེད་རྣམས་ཀྱི་ཆོས་ཉིད་ནི་དེ་ཡིན་ནོ། །དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་སྟོང་གསུམ་གྱི་སྟོང་ཆེན་པོའི་འཇིག་
D120.054.0122b04.01རྟེན་གྱི་ཁམས་ན་འཛམ་བུའི་གླིང་ལ་ལར་ནི་ཕ་མ་ཕྲད་པ་ལས་སྐྱེས་པར་ཡང་སྣང་སྟེ་སེམས་ཅན་རྣམས་ཀྱིས་སྐྱེས་སོ་སྙམ་དུ་འཛིན་ལ། དེ་བཞིན་གཤེགས་པ་ལ་ནི་སྐྱེས་པ་མེད་དོ། །འཛམ་བུའི་གླིང་ལ་ལར་ནི་ཡོངས་སུ་མྱ་ངན་ལས་འདའ་བ་ལྟ་བུར་སྣང་ལ་དེ་བཞིན་
D120.054.0122b05.01གཤེགས་པ་ལ་ནི་འཆི་བ་མེད་དོ། །སེམས་ཅན་རྣམས་ཀྱིས་ནི་ཤིའོ་སྙམ་དུ་འཛིན་ཏེ། དེ་བཞིན་གཤེགས་པ་ནི་ལྷུང་བ་སྐྱེ་བ་ལྟ་བུར་སྣང་ཡང་སྐྱེ་བ་ཡང་མེད། འཆི་བ་ཡང་མེད་དོ། །གདུལ་བར་བྱ་བའི་དབང་གིས་ནི་ཟླ་བ་བཞིན་དུ་ཡང་རྒྱུ་བར་མཛད་དོ། །ཟླ་
D120.054.0122b06.01བ་ནི་གླིང་ཁ་ཅིག་ཏུ་ཟླ་བ་ཉ་བ་ཡོངས་སུ་རྒྱས་པ་ལྟ་བུར་སྣང་སྟེ་སེམས་ཅན་རྣམས་ཟླ་བ་ཉའོ་སྙམ་དུ་འཛིན་ཏོ། །ཟླ་བ་ནི་གླིང་ཁ་ཅིག་ཏུ་ཡི་གེ་ཏ་འདྲ་བར་ཟླ་བ་ཚེས་པར་ཡང་སྣང་སྟེ་འཛམ་བུའི་གླིང་པ་རྣམས་ཀྱིས་དེང་ཟླ་བ་ཚེས་གཅིག་ཡིན་ནོ་སྙམ་དུ་འཛིན་ཏོ། །དེ་ནས་ཟླ་
D120.054.0122b07.01