完整藏文原文 · 德格版页 当前仅加载第 54 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
ཟབ་དར་དང་། རྒྱ་དར་གྱི་མཆོག་རྣམས་ཀྱིས་དཀྲིས་པ། མེ་ཏོག་མང་པོས་བརྒྱན་པ། བྱུག་པ་དྲི་བསུང་ཞིམ་པོ་དག་གིས་བྱུགས་པ་ཤ་སྟག་གོ། །ཡམ་སྲེག་ཤིང་སྣ་རེའི་ཤིང་རྟ་རེ་རེ་ཞིང་ཡང་རིན་པོ་ཆེ་སྣ་བདུན་གྱིས་བརྒྱན་པ། གསེར་གྱིས་མཛེས་པར་
D120.054.0005a01.01བྱས་པ་ཁ་ཅིག །ཁ་ཅིག་ཏུ་སྔོན་པོ་དང་། དཀར་པོ་དང་། བབ་ལའི་ཁ་དོག་དང་། ལི་ཁྲིའི་ཁ་དོག་པས་ལྷག་པའི་འོད་གསལ་བ་དང་ལྡན་པ་ཤ་སྟག་གོ། །ཤིང་རྟ་དེ་དག་གི་གཉའ་ཤིང་རྣམས་ཀྱང་རིན་པོ་ཆེ་སྣ་བདུན་གྱིས་བརྒྱན་པ། དཔེ་མེད་པ། རྟ་ཅང་ཤེས་མགྱོགས་པ་དག་དང་
D120.054.0005a02.01སྦྱར་བ་ཤ་སྟག་གོ། །རྟ་དེ་དག་ཀྱང་རླུང་གི་ཤུགས་པས་མགྱོགས་པ། སྤུ་ཁ་ཆུ་སྐྱར་གྱི་མདོག་དང་། ལྡོང་རོས་ཀྱི་མདོག་དང་། སྤྲིན་གྱི་མདོག་ཅན་ཤ་སྟག་སྟེ། ཐབས་དེ་འདྲ་བའི་ཤིང་རྟ་རེ་རེའི་མདུན་ལོགས་དང་རྒྱབ་ལོགས་སུ་རྒྱལ་མཚན་དང་བ་དན་བསྒྲེང་སྟེ། རྒྱལ་མཚན་ཐམས་ཅད་ཀྱང་
D120.054.0005a03.01རིན་པོ་ཆེ་ལས་བྱས་པ། གསེར་གྱི་དྲ་བས་གཡོགས་པ་ཤ་སྟག་གོ། །རྒྱལ་མཚན་གྱི་མདུན་ལོགས་སུ་ཡང་གདུགས་རྩིབས་དང་རྩ་བ་ནོར་བུ་དྲི་མ་མེད་པ་འོད་ཅན་ལས་བྱས་པ། མུ་ཏིག་གི་ཆུན་པོ་སྤྱངས་པ་ཤ་སྟག་ཁྱེར་རོ། །གདུགས་རེ་རེའི་མདུན་ལོགས་སུ་ཡང་གསེར་གྱི་མེ་ཏོག་
D120.054.0005a04.01ཀུ་མུ་ད་དང་། ཨུད་པ་ལ་དང་། པདྨ་དཀར་པོ་སྡོང་བུ་བཻ་དཱུརྱ་ལས་བྱས་པ། ཟེ་བ་རྡོ་རྗེ་ལས་བྱས་པ། བུང་བ་མང་པོ་སྐད་འབྱིན་པ། དྲི་བསུང་ཞིམ་པོ་དང་ལྡན་པ། ཡིད་དུ་འོང་བ། འོད་དང་ལྡན་པ། ཆེ་བ་མང་བ་ཤ་སྟག་དང་། ལྡ་ལྡི་ཆེན་པོ་ཤ་སྟག་ཁྱེར་རོ། །ལྡ་ལྡི་ཆེན་པོ་རྣམས་
D120.054.0005a05.01ཀྱི་མདུན་དུ་ཡང་བྱང་ཆུབ་སེམས་དཔའི་སྐྱེས་པའི་རབས་ཀྱི་སྤྱོད་པ་རི་མོར་བྲིས་པ་ཆེན་པོ་དག་ཐོགས་སོ། །རི་མོའི་གཟུགས་རེ་རེའི་གློ་གཡས་གཡོན་ནས་ཀྱང་། ཟློས་གར་གྱི་གར་ཐབས་ཡུལ་དབུས་ནས་བྱུང་བ་རྣམ་པ་སྣ་ཚོགས་བྱེད་དེ། གར་ཐབས་བྱེད་པ་དེའི་ནང་ན་སིལ་སྙན་
D120.054.0005a06.01རིན་པོ་ཆེ་ལས་བྱས་པའི་རྫ་རྔ་དང་། ཁར་རྔ་དང་། རྔ་ཟླུམ་དང་། པི་བང་དང་། གླིང་བུ་དང་། པི་བང་རྒྱུད་གཅིག་པ་དང་། རྔ་བོ་ཆེ་དང་། དུང་ལ་སོགས་པ་དག་བརྡུང་ཞིང་འབུད་དོ། །གར་ཐབས་ཀྱི་སིལ་སྙན་དེ་དག་ལས་ཀྱང་ཀྱེ་མ་འཇིག་རྟེན་སྟོངས་པར་འགྱུར་རོ་ཞེས་བྱ་བ་དེ་ལྟ་བུའི་
D120.054.0005a07.01