完整藏文原文 · 德格版页 当前仅加载第 54 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་། །དགྲ་བཅོམ་རྣམས་དང་མཚུངས་པར་འགྱུར། །བཅོམ་ལྡན་ཇི་ལྟར་བགེགས་བགྱིད་པའི། །བདུད་ནི་འཁོར་དུ་ཆུད་པར་འགྱུར། །བདུད་ཀྱི་ཚིག་ཀྱང་འཚལ་བ་དང་། །རྫོགས་པའི་སངས་རྒྱས་གསུང་ཡང་འཚལ། །
D120.054.0038a01.01འདྲེན་པ་ཇི་ལྟར་དགའ་བཞིན་དུ། །འཕགས་པའི་ལམ་ཡང་སྟོན་པར་འགྱུར། །དགེ་དང་ཡང་དག་ལྡན་གྱུར་ནས། །ཕྱིན་ཅི་མ་ལོག་སྟོན་པར་འགྱུར། །ཐུབ་པ་ཆེན་པོ་ཇི་ལྟར་ན། །ལེགས་བྱེད་འགྱུར་བ་བསྟན་དུ་གསོལ། །ཐུབ་པ་བྱང་ཆུབ་
D120.054.0038a02.01སེམས་རྣམས་ཀྱིས། །ཇི་ལྟར་བརྟག་དཀའ་ཁམས་མཐོང་འགྱུར། །ཐུབ་པ་ཇི་ལྟར་ཡི་གེ་ཡི། །ཕྱེད་ནི་རྫོགས་པར་འགྱུར་བ་ལགས། །ཇི་ལྟར་བཞད་དང་ཟལ་མོ་ཡི། །སྤྱོད་པ་དག་དང་འདྲ་བར་འགྱུར། །ཇི་ལྟར་ཕུར་བུ་པ་བ་སངས། །
D120.054.0038a03.01ཉི་མ་དག་ཏུ་སྐྱེ་བར་འགྱུར། །ཐུབ་པ་བྱང་ཆུབ་སེམས་དཔའ་རྣམས། །ཇི་ལྟར་སེམས་ནི་མ་སྐྱེས་པར། །འདིར་ནི་འཇིགས་པ་མེད་པར་འགྱུར། །ཇི་ལྟར་ཀ་ཏའི་འབྲས་བུ་འདྲ། །ཇི་ལྟར་རྩོད་དུས་སྐྱེས་པ་ན། །གོས་པ་མ་མཆིས་བགྱིད་
D120.054.0038a04.01པ་དང་། །ཉེས་པའི་དབྱིངས་སུ་པད་མ་ལྟར། །ཉེས་པ་དག་གིས་མི་གོས་ལགས། །ཇི་ལྟར་བྱང་ཆུབ་སེམས་དཔའ་རྣམས། །ཡུལ་ཁམས་སྨན་པ་ཆེན་པོར་འགྱུར། །ཆུ་འགྲམ་ཀུན་ཏུ་མཉན་པར་འགྱུར། །དེ་འདིར་བདག་ལ་ལུང་བསྟན་གསོལ། །
D120.054.0038a05.01ཇི་ལྟར་སྦྲུལ་རྣམས་པགས་པ་རྙིང་། །འདོར་བ་བཞིན་དུ་འགྱུར་བ་ལགས། །རིན་ཆེན་མང་པོའི་འབྱུང་གནས་དང་། །འབྲུ་དང་ཤིང་འདྲ་ཇི་ལྟར་ལགས། །བརྟན་པོ་དེ་དག་ཉན་ཐོས་དང་། །རང་སངས་རྒྱས་ཀྱི་བྱང་ཆུབ་ཀྱིས། །སྐུ་གདུང་ཇི་ལྟར་
D120.054.0038a06.01སྟོན་པར་བགྱིད། །མཐའ་ཡས་སྒོ་ཡང་ཇི་ལྟར་སྟོན། །རྒྱལ་སྲས་བརྟུལ་ཞུགས་བརྟན་པོ་རྣམས། །ཇི་ལྟར་མི་ཕྱེད་འཁོར་དང་ལྡན། །དེ་དག་འཇིག་རྟེན་དམུས་ལོང་གི། །མིག་དང་འདྲ་བར་ཇི་ལྟར་འགྱུར། །ཐུབ་པ་ཆེན་པོ་ཇི་ལྟར་ན། །མགོ་མང་
D120.054.0038a07.01