完整藏文原文 · 德格版页 当前仅加载第 54 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
བཀོད་ན་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱི་གྲངས་སུ་གཏོགས་པ་དེ་བཞིན་དུ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མདོ་སྡེ་འདི་ལ་སློབ་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ཐོབ་པ་རྣམས་ཀྱི་གྲངས་སུ་གཏོགས་སོ། །འདི་ལས་
D120.054.0085b01.01ཕྱི་རོལ་དུ་གྱུར་པ་རྫས་ཀྱིས་བྲིད་པའི་ཕྱིར་རམ། གཏམ་ཟླར་བྱ་བའི་ཕྱིར་རམ། རྙེད་པ་དང་། བཀུར་སྟི་དང་། ཚིགས་སུ་བཅད་པ་འདོད་པའི་ཕྱིར་ཐོས་པ་ཙམ་དུ་ཟད་དེ། མདོ་སྡེ་སྤོང་བར་མི་བྱེད་ན་ང་རྒྱལ་གྱི་དབང་གིས་སྤོང་བ་མ་གཏོགས་པར་སེམས་ཅན་གཞན་དེ་དག་ནི་སངས་
D120.054.0085b02.01རྒྱས་དགྲ་བཅོམ་པ་རྣམས་ཀྱི་ཡང་དག་པར་རྫོགས་པའི་བྱང་ཆུབ་གང་ཡིན་པ་དེ་རིམ་གྱིས་ཐོབ་པར་འགྱུར་རོ། །རིགས་ཀྱི་བུ་དེ་བས་ན་སྔར་བསྟན་པའི་གང་ཟག་བཞི་པོ་རྣམས་རྟེན་དུ་གྱུར་པ་ཡིན་ཏེ། དེ་དག་ནི་སངས་རྒྱས་ཀྱིས་གསུངས་པ་མ་ཡིན་པའི་མདོ་སྡེ་ལ་སངས་རྒྱས་ཀྱིས་གསུངས་
D120.054.0085b03.01སོ་ཞེས་སྟོན་མི་སྲིད་དེ་སྐབས་མེད་དོ། །དེ་བས་ན་རྟེན་དུ་གྱུར་པ་ཡིན་ནོ། །གང་ཟག་བཞི་པོ་འདི་རྣམས་ཀྱི་ནང་ནས་གཅིག་ཙམ་ཞིག་འདུག་ན་ཡང་དེ་ལ་མཆོད་པ་གྱིས་ཤིག །བསྲུང་བར་གྱིས་ཤིག །གསོལ་པ། དེ་ལ་མཆོད་པ་ཇི་ལྟར་འཚལ། བཀའ་སྩལ་པ། གང་ཟག་དེ་ནི་
D120.054.0085b04.01བདག་གི་སྲོག་ཡོངས་སུ་བཏང་ནས་དམ་པའི་ཆོས་འབྱིན་པ་ཡིན་གྱིས། དེ་ལས་དམ་པའི་ཆོས་བསྲུང་བ་བསླབ་པར་གྱིས་ཤིག །བསླབས་ནས་ཀྱང་སློབ་དཔོན་དེ་ལ་མཆོད་པ་གྱིས་ཤིག །ཉན་ཐོས་ཀྱི་ཐེག་པ་ལས་ཀྱང་ངས་བསྟན་ཏེ། རྒན་ནམ་ཡང་ན་གཞོན་ཡང་རུང་། །གང་ལས་
D120.054.0085b05.01ཆོས་ནི་རྟོགས་འགྱུར་བ། །བྲམ་ཟེ་སྲེག་སྦྱིན་མེ་བཞིན་དུ། །དེ་ལ་བཀུར་སྟིས་ཕྱག་ཀྱང་བྱ། །རྒན་ནམ་ཡང་ན་གཞོན་ཡང་རུང་། །གང་ལས་ཆོས་ནི་རྟོགས་འགྱུར་བ། །དབང་ཆེན་ལྷ་ལ་བྱ་བ་བཞིན། །དེ་ལ་བཀུར་སྟིས་ཕྱག་ཀྱང་བྱ། །ཞེས་བསྟན་པ་ཡིན་ནོ། །གསོལ་པ། སློབ་
D120.054.0085b06.01དཔོན་ལ་མཆོད་པ་བགྱི་བ་ནི་རིགས་ལགས་ན། དགེ་སློང་རྒན་པོ་ཚུལ་ཁྲིམས་དང་ལྡན་པས་གསར་བུ་ལ་ཕྱག་བགྱི་བ་ནི་མི་རིགས་ཏེ་འདི་ནི་དཔྱད་འཚལ་ལགས་སོ། །ཅི་ལགས་གལ་ཏེ་དགེ་སློང་རྒན་པོ་གསར་བུ་ལ་སློབ་ན་ཡང་དེས་གསར་བུ་ལ་ཕྱག་བགྱི་འཚལ་ལམ། གལ་ཏེ་གསར་
D120.054.0085b07.01