完整藏文原文 · 德格版页 当前仅加载第 54 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །ཀྱེ་མ་འཇིག་རྟེན་སྟོངས་པར་འགྱུར་རོ་ཞེས་དེ་སྐད་དུ་སྐད་པོ་ཆེ་འདོན་ཏེ། དེ་བཞིན་གཤེགས་པའི་ཞབས་དྲུང་ན་སྲོག་ཆགས་ཤི་ཤུ་མ་ར་བཞིན་དུ་འགྲེ་ལྡོག་ཅིང་གསོལ་བ་འདེབས་ཏེ། བཅོམ་ལྡན་འདས་དེ་བཞིན་གཤེགས་པ་དགེ་སློང་གི་དགེ་འདུན་གྱི་འཁོར་
D120.054.0006b01.01དང་བཅས་པས་བདག་གིས་སྦྱར་བའི་བཤོས་གསོལ་བར་ཅི་གནང་། བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ་སྦྱིན་པའི་ཐ་མ་དེ་བཞིན་གཤེགས་པས་བཞེས་སུ་གསོལ། ཞེས་གསོལ་བ་འདེབས་སོ། །དེ་ནས་བཅོམ་ལྡན་འདས་ཐམས་ཅད་མཁྱེན་བཞིན་དུ་
D120.054.0006b02.01ཅང་མི་གསུང་བར་གྱུར་ཏོ། །དེ་དག་གིས་ལན་གཉིས་ལན་གསུམ་དུ་དེ་སྐད་ཅེས་གསོལ་ཀྱང་། ལན་གཉིས་ལན་གསུམ་དུ་བཅོམ་ལྡན་འདས་ཅང་མི་གསུང་བར་གྱུར་ཏོ། །དེ་ནས་དགེ་བསྙེན་གྱི་ཚོགས་དེ་དག་རེ་ཐག་ཆད་དེ་ཅང་མི་ཟེར་བར་འཁོད་ནས། བུ་གཅིག་པ་ཤི་ནས་
D120.054.0006b03.01དུར་ཁྲོད་དུ་བོར་མ་ཐག་པའི་ཕ་མ་འགྲེ་ལྡོག་པ་བཞིན་དུ་ཤིན་ཏུ་སྡུག་བསྔལ་བར་གྱུར་ཏོ། །དེ་བཞིན་དུ་དགེ་བསྙེན་དེ་དག་ཐམས་ཅད་མཆོག་ཏུ་སྡུག་བསྔལ་བར་གྱུར་པ་ལས་ལངས་ཏེ། རང་རང་གི་མཆོད་པའི་ཡོ་བྱད་རྣམས་བསྡུས་ནས་ཕྱོགས་གཅིག་ཏུ་འཁོད་དོ། །གཞན་
D120.054.0006b04.01ཡང་དེའི་ཚེ་བསླབ་པའི་གཞི་ལྔ་བླངས་ཤིང་། ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པ་དང་། དམ་པའི་ཆོས་ཀྱི་གཅེས་པ་འཛིན་པའི་དགེ་བསྙེན་མ་ཚོང་དཔོན་གྱི་བུ་མོ་འཚོ་བའི་དཔལ་ལ་སོགས་པ་དགེ་བསྙེན་མ་གང་གཱའི་ཀླུང་གསུམ་གྱི་བྱེ་མ་སྙེད་ཐམས་ཅད་ཀྱང་
D120.054.0006b05.01བུད་མེད་ཀྱི་གཟུགས་ཀྱིས་སེམས་ཅན་བྱེ་བ་ཕྲག་མང་པོ་ངེས་པར་སྒྲོལ་བ། ཁྱིམ་གྱི་གནས་ལ་སྨོད་པ་ཤ་སྟག་སྟེ། ལུས་འདི་ནི་ཉེས་པའི་ཁམས་བརྒྱད་ཅུ་རྩ་བཞི་ལས་ལྷགས་པས་བསྡུས་པའོ། །ལུས་འདི་ནི་སྲིན་བུའི་རིགས་བྱེ་བ་ཕྲག་བརྒྱད་ཅུ་རྩ་བཞིའི་ཟས་སོ། །
D120.054.0006b06.01ལུས་འདི་ནི་རྒྱལ་པོའི་ཁྲི་མོན་དུ་བྲུབས་པའི་དྲི་མནམ་པའོ། །ལུས་འདི་ནི་ཁྱི་རོ་རུལ་པའི་དྲི་བམ་གྱིས་ལྷག་པར་སྦགས་པའོ། །ལུས་འདི་ནི་སྒོ་དགུ་ནས་མི་གཙང་བ་འཛག་པའོ། །ལུས་འདི་ནི་ཤ་དང་། ཆུ་བ་དང་། རུས་པ་དང་། ཁྲག་དང་། པགས་པའི་ཞལ་ཞལ་ཅན།
D120.054.0006b07.01