完整藏文原文 · 德格版页 当前仅加载第 54 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་ཏེ། བྲམ་ཟེ་ཡིན་བཞིན་དུ་འདིས་རྒྱལ་སྲིད་དང་། དམ་པའི་བཙུགས་སོ་སྙམ་ནས་དེ་ལ་མཆོད་པ་བྱེད་དོ། །གང་དེ་ལྟར་སྟོན་པ་དེ་ནི་བྱང་ཆུབ་སེམས་དཔའ་ཁོ་ན་ཡིན་ཏེ། ཐབས་དང་སྦྱར་ཞིང་བྱེད་པས་ན་དེ་ལ་ཉེས་པ་བསྐྱེད་པར་མི་བྱའོ། །དེ་ལ་ཉེས་པ་
D120.054.0088a01.01བསྐྱེད་ན་ཕྱིར་ཉེས་པ་ཐོབ་པར་འགྱུར་ཏེ། བཤགས་པར་འོས་པའི་ཉེས་པ་ལྟ་བུར་འགྱུར་ལ་ང་རྒྱལ་གྱི་དབང་གིས་འཆགས་པར་ཡང་མི་བྱེད་དོ། །བྱང་ཆུབ་སེམས་དཔའ་སློབ་དཔོན་དེ་ནི་མཆོག་ཏུ་གཡེལ་བ་ལྟ་བུར་སྟོན་ཀྱང་ཉེས་པར་མི་འགྱུར་ཏེ། དགོངས་པའི་ཚིག་འདི་ནི་བྱང་ཆུབ་
D120.054.0088a02.01སེམས་དཔའི་ཆེད་དུ་བསྟན་ཏོ། །རྒན་ནམ་ཡང་ན་གཞོན་ཡང་རུང་། །གང་ལས་ཆོས་ནི་རྟོགས་འགྱུར་བ། །བྲམ་ཟེ་སྲེག་སྦྱིན་མེ་བཞིན་དུ། །དེ་ལ་བཀུར་སྟིས་ཕྱག་ཀྱང་བྱ། །རྫོགས་སངས་རྒྱས་ཀྱིས་བསྟན་པ་ཡི། །ཆོས་ནི་གང་ལས་རྟོགས་འགྱུར་བ། །དབང་ཆེན་ལྷ་
D120.054.0088a03.01ལ་བྱ་བ་བཞིན། །དེ་ལ་བཀུར་སྟིས་ཕྱག་ཀྱང་བྱ། །ཞེས་བྱ་བ་ནི་ཉན་ཐོས་རྣམས་ཀྱི་ཆེད་དུ་བསྟན་པ་མ་ཡིན་གྱི། བྱང་ཆུབ་སེམས་དཔའ་རྣམས་ཀྱི་ཆེད་དུ་བསྟན་པ་ཡིན་ནོ། །གསོལ་པ། བཅོམ་ལྡན་འདས་ཅི་ལགས། བྱང་ཆུབ་སེམས་དཔའ་གཡེལ་བ་དེ་ལྟ་བུ་དག་བསྙེན་
D120.054.0088a04.01པར་རྫོགས་པར་རུང་ངམ། འོན་ཏེ་མི་རུང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་སྐད་མ་ཟེར་ཅིག །དེ་ཉིད་དེ་དག་གི་བསྙེན་པར་རྫོགས་པ་ཡིན་ཏེ། དེ་དག་གི་ཉེས་པ་གང་དང་གང་བཤགས་པ་དེ་དག་ནི་བཤགས་བཟོད་པ་ཡིན་ནོ། །རིགས་ཀྱི་བུ་དཔེར་
D120.054.0088a05.01ན་རྫིང་རྙིང་པ་རལ་པའི་ཆུ་ནི་ཐམས་ཅད་ཟགས་པར་འགྱུར་རོ། །དེ་ཅིའི་ཕྱིར་ཞེ་ན། སྐྱེ་བོ་ཆོས་བཞིན་དུ་བྱེད་པ་རྣམས་ནི་འགྲིབས། སྐྱེ་བོ་ཆོས་བཞིན་དུ་མི་བྱེད་པ་རྣམས་ནི་འཕེལ་བའི་ཕྱིར་རོ། །གལ་ཏེ་རྫིང་དེ་ལ་ལ་ཞིག་གིས་ཕྱིར་བཅོས་ན་ནི་དེས་དེའི་ནང་ནས་ཆུ་འཛག་པར་མི་འགྱུར་
D120.054.0088a06.01བ་དེ་བཞིན་དུ་བྱང་ཆུབ་སེམས་དཔའ་ཡང་དགེ་སློང་ཚུལ་ཁྲིམས་དང་ལྡན་པ་རྣམས་མེད་པའི་ཕྱིར་དང་། དགེ་འདུན་གྱི་སྒྲུབ་པ་ཉམས་པའི་ཕྱིར་དང་། ཐེག་པ་ལ་གཡེལ་བ་ཡོངས་སུ་འཕེལ་བའི་ཕྱིར་གཡེལ་བ་རྣམས་དང་ལྷན་ཅིག་ཏུ་བསྙེན་པར་རྫོགས་པ་དང་། སྐབས་འབྱེད་པ་དང་།
D120.054.0088a07.01