完整藏文原文 · 德格版页 当前仅加载第 54 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལ་འདུས་བྱས་ཐམས་ཅད་མི་རྟག་པའོ་ཞེས་སྒོམ་པར་བྱེད་དོ། །ཤེས་རབ་ཅན་རྣམས་ཀྱིས་ནི་གཉིས་སུ་མེད་པར་ཤེས་སོ་ཞེས་གསུངས་ཏེ་དེ་ནི་ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པ་རྣམས་ནི་སངས་རྒྱས་ཀྱིས་བདག་མེད་པར་གསུངས་
D120.054.0111a01.01པ་ལ་ཆོས་ཐམས་ཅད་བདག་མེད་པར་འཛིན་ཏོ། །ཤེས་རབ་ཅན་རྣམས་ཀྱིས་ནི་བདག་ཡོད་པ་དང་བདག་མེད་པ་གཉིས་སུ་མེད་པར་ཤེས་ཏེ་དེ་ནི་ཤེས་རབ་ཅན་རྣམས་ཀྱི་རང་བཞིན་ཡིན་ནོ། །དེ་བཞིན་གཤེགས་པའི་སྙིང་པོ་དཔག་ཏུ་མེད་པ་སངས་རྒྱས་ཀྱིས་
D120.054.0111a02.01བསྔགས་པ་ནི་བསོད་ནམས་ཐམས་ཅད་བསྡུས་པའི་མདོ་ལས་ངས་བསྟན་ཏེ་བདག་ཡོད་པ་དང་བདག་མེད་པ་གཉིས་སུ་མེད་པར་གཟུང་བར་བྱའོ། །རིགས་ཀྱི་བུ་བསོད་ནམས་ཐམས་ཅད་བསྡུས་པའི་མདོ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་ཆེན་པོ་ལས་གཉིས་
D120.054.0111a03.01སུ་མེད་པ་ལ་འཇུག་པའི་སྣང་བ་དེ་ཉིད་ལས་བདག་ཡོད་པ་དང་བདག་མེད་པ་གཉིས་སུ་མེད་པར་ངས་བསྟན་པ་དེ་རྗེས་སུ་དྲན་པར་གྱིས་ཤིག། །།བམ་པོ་བཅུ་པ། དཔེར་ན་འོ་མ་ལས་ཞོ་བྱུང་། ཞོ་ལས་མར་བྱུང་། མར་ལས་ཞུན་མར་བྱུང་། ཞུན་མར་
D120.054.0111a04.01ལས་མར་གྱི་སྙིང་ཁུ་འབྱུང་ན། དེ་ལ་ཅི་ཞོ་དེ་འོ་མའི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་ཞོ་རང་ཉིད་བྱུང་ངམ། དེ་བཞིན་དུ་ཅི་མར་དེ་ཞོའི་དངོས་པོ་དང་། མགོ་མཉམ་དུ་བྱུང་ངམ། འོན་ཏེ་མར་རང་ཉིད་བྱུང་ངམ། དེ་བཞིན་དུ་ཅི་ཞུན་མར་དེ་མར་གྱི་དངོས་པོ་དང་
D120.054.0111a05.01མགོ་མཉམ་དུ་བྱུང་ངམ། འོན་ཏེ་ཞུན་མར་རང་ཉིད་བྱུང་ངམ། དེ་བཞིན་དུ་ཅི་མར་གྱི་སྙིང་ཁུ་དེ་ཞུན་མར་གྱི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་མར་གྱི་སྙིང་ཁུ་རང་ཉིད་བྱུང་ངམ། འོན་ཏེ་སྣུམ་དེ་གཞན་ཞིག་ནས་བྱུང་ངམ། གལ་ཏེ་གཞན་ཞིག་ལས་བྱུང་ན་
D120.054.0111a06.01དེ་ལྟ་ན་གང་ལས་བྱུང་། དེ་སྟེ་འོ་མ་མེད་པར་ཞོ་བྱུང་ན་ནི་འོ་མ་མི་དགོས་པར་འགྱུར་རོ། །གལ་ཏེ་དེ་ལྟ་ན་ནི་རང་བཞིན་ཅན་དུ་འགྱུར་ལ་ཞོའི་རྒྱུ་དང་རྟགས་གཉིས་ཀྱང་སྣང་ངོ་། །དེ་བས་ན་གཅིག་ནས་གཅིག་ཏུ་བརྒྱུད་དེ་བྱུང་བ་ཡང་ཡིན་ལ། དངོས་པོ་དེ་དག་དང་མགོ་
D120.054.0111a07.01