完整藏文原文 · 德格版页 当前仅加载第 54 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བསྟན་པ་མ་རུང་བར་བྱ་བའི་ཕྱིར་སྦྱར་བ་ཤིན་ཏུ་རྒྱས་པ་སྤོང་བར་བྱེད་པ་འདི་ནི་བདུད་ཀྱིས་སྨྲས་པའི་མདོ་སྡེ་དང་འདུལ་བ་ཡིན་པར་རིག་པར་བྱའོ། །མ་འོངས་པའི་དུས་ན་ཡང་ངེད་ཀྱི་འདུལ་བ་ནི་འདི་ལྟ་བུ་ཡིན་ནོ། །ངེད་ཀྱི་འདུལ་བ་ལས་ནི་བཅོམ་ལྡན་འདས་ཀྱིས་
D120.054.0095b01.01འདི་སྐད་ཅེས་གསུངས་སོ་ཞེས་ལོག་པའི་འདུལ་བ་དང་མདོ་སྡེ་སྨྲ་བའི་དགེ་སློང་དག་འབྱུང་བར་འགྱུར་རོ། །ངས་ནི་ཐེག་པ་ཆེན་པོ་གསུང་རབ་ཡན་ལག་དགུ་ལས་རྒྱུད་ཕྱི་མ་ཐེག་པ་ཆེན་པོ་ཤིན་ཏུ་རྒྱས་པར་བསྟན་ཏོ། །ངའི་དྲུང་ན་ལྷན་ཅིག་ཏུ་སྒྲུབ་པ་གང་ཡིན་པ་དེ་དག་
D120.054.0095b02.01ནི་ལོག་པའི་འདུལ་བ་དང་། ལྟ་བ་སྨྲ་བ་མ་ཡིན་ནོ། །ངའི་བསྟན་པ་ནི་རུང་བ་མ་ཡིན་པ་ཐམས་ཅད་སྤངས་པ། རྣམ་པར་དག་པ། དྲི་མ་མེད་པ། ཟླ་བ་ཉ་བ་དང་འདྲ་བ་ཡིན་ཏེ། མདོ་སྡེ་རེ་རེ་དང་། འདུལ་བ་རེ་རེ་དང་། བསླབ་པའི་གཞི་རེ་རེའི་དོན་གང་
D120.054.0095b03.01གཱའི་ཀླུང་གི་བྱེ་མ་སྙེད་དུ་བསྟན་ལ་དེ་དག་ཀྱང་སྒྲའི་རྣམ་གྲངས་རྣམ་པ་སྣ་ཚོགས་ཀྱིས་བསྟན་ཏོ། །ངེད་ཀྱི་འདུལ་བ་ལ་བསླབ་པའི་གཞི་གང་དང་གང་མེད་པ་དེ་དང་དེ་དག་ནི་བཅོམ་ལྡན་འདས་ཀྱིས་མ་གསུངས་སོ་ཞེས་དེ་སྐད་ཟེར་བ་གང་ཡིན་པ་དེ་དང་དེ་དག་ལ་ནི་ཉེས་
D120.054.0095b04.01པ་འབྱུང་བར་འགྱུར་རོ། །གང་དག་བདག་ཅག་གིས་གཟུང་བས་མི་ལང་སྟེ། ཆོག་ཤེས་པ་དང་། ཡོ་བྱད་བསྙུངས་པ་ལྷུར་ལེན་པ་དང་། སངས་རྒྱས་ཀྱིས་གསུངས་པ་ཡིན་པར་འོས་པ་གང་དང་གང་ཡིན་པ་དེ་དང་དེ་དག་ནི་སེམས་ཅན་ཐམས་ཅད་ལ་ཕན་པ་
D120.054.0095b05.01དང་ཐུགས་བརྩེ་བའི་ཕྱིར་ཐེག་པ་ཆེན་པོའི་ཚུལ་དུ་གསུངས་པས་ན་བདག་ཅག་གིས་ཀྱང་ཤིན་ཏུ་རྒྱས་པ་ཞེས་བྱ་བ་བཤད་པར་བྱའོ། །ཞེས་དེ་ལྟར་དམ་འཆའ་བར་བྱེད་པ་གང་ཡིན་པ་དེ་དག་གི་སྟོན་པ་ནི་ང་ཡིན་གྱི་དེ་མ་ཡིན་པ་རྣམས་ཀྱི་སྟོན་པ་ནི་ང་མ་ཡིན་ནོ། །དེ་དག་
D120.054.0095b06.01ནི་ངའི་ཕྱིར་རབ་ཏུ་བྱུང་བ་མ་ཡིན་ཏེ། དེ་དག་ཐམས་ཅད་ནི་མུ་སྟེགས་པའི་བུ་ཡིན་ནོ་ཞེས་ཟེར་བ་དེ་ལྟ་བུ་སངས་རྒྱས་ཀྱིས་གསུངས་པའི་མདོ་སྡེ་དང་འདུལ་བ་ཡིན་པར་རིག་པར་བྱའོ་ཞེས་དེ་སྐད་སྨྲོས་ཤིག །བདུད་ཀྱིས་སྨྲས་པའི་མདོ་སྡེ་དང་འདུལ་བ་ཚད་མར་བྱེད་པའི་
D120.054.0095b07.01