完整藏文原文 · 德格版页 当前仅加载第 54 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ་པར་བྱའོ། །དེ་ལྟར་བསྒོམས་ན་འཚེ་བ་ཐམས་ཅད་སྤོང་བར་འགྱུར་ལ། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་ལྡན་པར་འགྱུར་ཞིང་། སྲོག་གཅོད་པ་སྤོང་བར་འགྱུར་བ་དང་།
D120.054.0039b01.01ཆོས་སྤྱོད་པར་འགྱུར་རོ། །རིགས་ཀྱི་བུ་གཞན་ཡང་སེམས་ཅན་དཔག་ཏུ་མེད་པ་དག་བསླབ་པའི་གཞི་ལ་འགོད་པར་འགྱུར། དགེ་བ་བཅུའི་ལས་ཀྱི་ལམ་ལ་ཡང་འགོད་པར་འགྱུར་རོ། །གལ་ཏེ་ནུས་ན་སེམས་ཅན་དམྱལ་བ་དང་། ལྷ་མ་
D120.054.0039b02.01ཡིན་དང་། གཤིན་རྗེའི་འཇིག་རྟེན་དང་། དུད་འགྲོར་སྐྱེ་བ་རྣམས་དང་། ལས་མི་བཟད་པ་བྱེད་པའི་སེམས་ཅན་རྣམས་ངེས་པར་བསྒྲལ་བའི་ཕྱིར་འགྲོ་བ་ཐམས་ཅད་ཀྱི་རྗེས་སུ་འཇུག་པར་བྱེད་ཅིང་། གྲོལ་ནས་གཞན་དགྲོལ་བར་བྱའོ་སྙམ་ནས་
D120.054.0039b03.01དེ་ལ་འཛིན་པ་དང་དྲན་པའི་སེམས་དང་ལྡན་པར་འགྱུར་ཏེ། ལེགས་པར་བྱས་པའི་རྣམ་པར་སྨིན་པ་དང་། རྒྱུ་དང་འཐུན་པ་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མཆོག་ཏུ་ཚེ་རིང་བར་འགྱུར་ལ། ཡེ་ཤེས་ཀྱི་དབང་ཕྱུག་ཏུ་
D120.054.0039b04.01འགྱུར་ཞིང་འཆི་བ་མེད་པར་འགྱུར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་ཆེན་པོ་དང་རུས་གཅིག་པས། འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་
D120.054.0039b05.01དཔའ་ཆེན་པོས་ཅི་ལས་བསམས་ཏེ་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པར་བགྱི། བཀའ་སྩལ་པ་དེའི་དོན་ཇི་ལྟ་བུ་ལགས། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་
D120.054.0039b06.01ལ་བུ་གཅིག་པའི་འདུ་ཤེས་བསྒོམ་པར་བགྱི་འཚལ་ན་ཚིག་དེ་ནི་མི་འདོད་པར་བགྱི་བ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བསྟན་པ་འདི་ལ་སེམས་ཅན་ཁ་ཅིག་ཚུལ་ཁྲིམས་འཆལ་པ། མཚམས་མ་མཆིས་པར་བགྱིད་པ་དང་། དམ་
D120.054.0039b07.01