完整藏文原文 · 德格版页 当前仅加载第 54 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་དེ་ནི་དེ་བཞིན་གཤེགས་པའོ། །མཐའ་ཡས་པ་མཐའ་ཡས་པ་ཞེས་བྱ་བ་ལ་ཐར་པ་ནི་གྲོང་ཕྲག་ལྟ་བུ་མ་ཡིན་ཏེ། མཐའ་ཡས་པ་ནི་ཇི་ལྟར་ནམ་མཁའ་ལ་མཐའ་མེད་པ་དེ་བཞིན་དུ་བདེ་བའི་རྣམ་པ་མཐའ་ཡས་པ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །
D120.054.0073b01.01བསྟན་དུ་མེད་པ་བསྟན་དུ་མེད་པ་ཞེས་བྱ་བ་ནི་ཇི་ལྟར་ནམ་མཁའ་ལ་བྱའི་རྗེས་མི་སྣང་བ་དེ་བཞིན་དུ་ཐར་པ་ནི་བརྟག་པར་དཀའ་བ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཟབ་མོ་ཟབ་མོ་ཞེས་བྱ་བ་ནི་ཤིན་ཏུ་ཤ་ཐང་བས་འཇུག་པའི་ཆོས་ཅན་ཡིན་ཏེ། ཇི་ལྟར་ཕ་མ་
D120.054.0073b02.01དཀའ་བ་བྱེད་པའི་ཡོན་ཏན་རྣམས་ཤིན་ཏུ་ཤ་ཐང་བས་འཇུག་པའི་སྒོ་ནས་ཤིན་ཏུ་ཟབ་པ་དེ་བཞིན་དུ་ཐར་པ་ནི་ཟབ་པ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཤིན་ཏུ་བལྟ་དཀའ་བ་ཤིན་ཏུ་བལྟ་དཀའ་བ་ཞེས་བྱ་བ་ནི་ཇི་ལྟར་མིས་རང་གི་མགོ་བོའི་སྟེང་ཤིན་ཏུ་
D120.054.0073b03.01བལྟ་དཀའ་བ་དེ་བཞིན་དུ་ཐར་པ་ནི་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་ཤིན་ཏུ་བལྟ་བར་དཀའ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །གནས་མེད་པ་གནས་མེད་པ་ཞེས་བྱ་བ་ནི་ཁྱིམ་དང་ནམ་མཁའི་ཚིག་{བླ་དགས་,བླ་དྭགས་}ཏེ། ཐར་པ་ནི་དེ་ལྟ་མ་
D120.054.0073b04.01ཡིན་ནོ། །གནས་མེད་པ་ཞེས་པ་ནི་གོ་སྐབས་མེད་པའི་ཚིག་{བླ་དགས་,བླ་དྭགས་}ཏེ། གང་ལ་སྲིད་པའི་གནོད་པ་ཉི་ཤུ་རྩ་ལྔ་མེད་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཉོན་མོངས་པ་མེད་པ་ཉོན་མོངས་པ་མེད་པ་ཞེས་བྱ་བ་ནི་ཇི་ལྟར་མིའི་ཆང་པར་སྐྱུ་རུ་ར་
D120.054.0073b05.01གཟུང་དུ་ཡོད་པ་བཞིན་དུ་ཐར་པ་ནི་དེ་དང་འདྲ་བར་ཅི་ཡང་གཟུང་དུ་མེད་དོ། །ཉོན་མོངས་པ་མེད་པ་ཞེས་བྱ་བ་ནི་ཇི་ལྟར་སྒྱུ་མ་མཁན་གྱིས་སྤྲུལ་པའི་སྒྱུ་མ་ལ་ཅི་ཡང་གཟུང་དུ་མེད་པ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སྐྱོན་མེད་
D120.054.0073b06.01པའི་ལུས་སྐྱོན་མེད་པའི་ལུས་ཞེས་བྱ་བ་ནི་ཇི་ལྟར་མིའི་ལུས་ལ་སྨེ་བ་དང་། ཤུ་བ་དང་། མཛེ་དང་། པགས་པའི་ནད་དང་། སྐྱོན་རྣམས་མེད་པར་གྱུར་པ་བཞིན་དུ་ཐར་པ་ནི་དེ་ལྟ་མ་ཡིན་ནོ། །སྐྱོན་མེད་པའི་ལུས་ཞེས་བྱ་བ་ནི་ཇི་ལྟ་བའི་འོ་མ་རང་བཞིན་གྱིས་མདོག་གཅིག་པ་
D120.054.0073b07.01