完整藏文原文 · 德格版页 当前仅加载第 12 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། དེས་ཚེ་དང་ལྡན་པ་ཁྱོད་ལ་ནི་ཕས་ཕམ་པའི་ཉེས་པ་བྱུང་ངོ་། །ཞེས་སྨྲས་པ་དང་། ཅིའི་ཕྱིར། ཁོ་བོའི་ཕྱག་དར་ཁྲོད་ཀྱི་གོས་འདི་མ་བྱིན་པར་བླངས་པའི་ཕྱིར་རོ། །འདི་ལ་ནི་བདག་པོ་ཡོད་པར་ཁོ་བོས་མ་ཤེས་སོ། །
D7a.012.0302a01.01ཞེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བླང་བར་གྱིས་ཤིག །དགེ་སློང་དེ་དག་གིས་མི་གཙང་བས་རེག་པའི་ཕྱག་དར་ཁྲོད་ཀྱི་གོས་བཅངས་པ་དང་། ལྷ་ཕྲན་རྣམས་འཕྱ་
D7a.012.0302a02.01ནས། བཅོམ་ལྡན་འདས་ཀྱིས་བཀའ་སྩལ་པ། ཕྱག་དར་ཁྲོད་ཀྱི་གོས་ནི་བཀྲུས་ཏེ་ལེགས་པར་བཙེམས་ལ་བཅང་བར་བྱ་བས་ན་དགེ་སློང་དགེ་སློང་དག་གིས་མི་གཙང་བས་རེག་པའི་ཕྱག་དར་ཁྲོད་ཀྱི་གོས་མ་འཆང་ཤིག །འཆང་བ་གང་ཡིན་པ་དེ་ནི་ཉེས་བྱས་སུ་འགྱུར་རོ། །
D7a.012.0302a03.01དགེ་སློང་དེ་དག་གིས་བདག་པོ་ཡོད་པའི་དུར་ཁྲོད་ནས་གོས་བླངས་པ་དང་། རིགས་ངན་རྣམས་ཀྱིས་གང་ཅུང་ཟད་བདག་ཅག་གིས་ལས་སུ་བྱས་པ་ཐམས་ཅད་འདི་དག་གི་ཕྱིར་བྱེད་ན་འདི་ནས་གོས་མ་རྐུ་ཤིག་ཅེས་དེ་སྐད་མི་སྙན་པར་སྨྲ་བ་དང་། བཅོམ་ལྡན་འདས་ཀྱིས་བཀའ་
D7a.012.0302a04.01སྩལ་པ། བདག་པོ་དང་བཅས་པའི་དུར་ཁྲོད་ནས་གོས་མ་ལེན་ཅིག །བླངས་ན་ཉེས་པ་སྦོམ་པོར་འགྱུར་རོ། །དུར་ཁྲོད་ནས་ཤིན་ཏུ་མི་རིང་བ་ཞིག་ན་ལོག་པའི་ལྷ་ཁང་ཞིག་ཡོད་དེ། དེ་ནས་རས་ཞིག་རླུང་གིས་ཁྱེར་ནས་དུར་ཁྲོད་དུ་ལྷུང་བ་དང་དགེ་སློང་ཞིག་ཕྱག་དར་ཁྲོད་ཀྱི་
D7a.012.0302a05.01གོས་ཚོལ་ཞིང་དུར་ཁྲོད་དུ་འོངས་པ་དེས་རས་དེ་རྙེད་ནས་དེ་བླངས་ཏེ་ཁྱེར་བ་དང་། ལོག་པའི་ལྷ་ཁང་ན་གནས་པ་དེ་དག་གིས་མཐོང་ནས། བཙུན་པ་བདག་ཅག་གིས་རས་འདི་ལོག་པའི་ལྷ་ཁང་ནས་དུར་ཁྲོད་དུ་ལྷུང་བ་ཡིན་གྱིས་རས་འདི་མ་རྐུ་ཤིག་ཅེས་སྨྲས་པ་དང་། དེ་སྟེ་
D7a.012.0302a06.01ཁྱོད་ཀྱི་ཡིན་ན་སླར་ཁྱེར་ཅིག །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བདག་པོ་གཞན་ཡོད་དམ་མེད་པ་ཤིན་ཏུ་རྟོགས་ལ་ལོང་ཤིག། །།
D7a.012.0302a07.01