完整藏文原文 · 德格版页 当前仅加载第 12 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་དགེ་སློང་གིས་དེ་ལྟར་སྨྲ་བའི་གང་ཟག་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་
D7a.012.0198b01.01པར་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་བཟོད་པར་མ་བགྱིས་པ་ལ་བཟོད་པར་མ་བགྱིས་
D7a.012.0198b02.01པར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བའོ། །བཟོད་པར་མ་བགྱིས་པ་ལ་བཟོད་པར་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་མེད་དོ། །བཟོད་པར་བགྱིས་པ་ལ་བཟོད་པར་མ་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བཟོད་པར་བགྱིས་པ་ལ་
D7a.012.0198b03.01བཟོད་པར་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་དེ་ལྟར་སྨྲ་བའི་གང་ཟག་ལ་སྨྲ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དེ་ལྟར་སྨྲ་བའི་དགེ་སློང་མ་ལ་འཚལ་བཞིན་དུ་
D7a.012.0198b04.01སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་མ་ནིང་ལ་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་
D7a.012.0198b05.01བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བའི་གང་ཟག་རྣམས་
D7a.012.0198b06.01ལ་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དེ་དེ་ལྟར་སྨྲ་བར་འཚལ་བཞིན་དུ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་གང་ཟག་ལ་སྨྲས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་
D7a.012.0198b07.01