完整藏文原文 · 德格版页 当前仅加载第 12 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་དགེ་སློང་གིས་དགེ་འདུན་གྱི་ཡོ་བྱད་སྦས་སམ། སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་འཚོ་བའི་ཡོ་བྱད་རྣམས་གཞན་གྱི་སླད་དུ་སྦས་
D7a.012.0210a01.01ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མའི་ལྷུང་བཟེད་དམ། གོས་སམ།
D7a.012.0210a02.01གཞན་གང་ཡང་རུང་དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །
D7a.012.0210a03.01སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་གོས་སྩལ་ལ་སླར་
D7a.012.0210a04.01མ་གཡར་བར་སྤྱད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་ཕྲིན་གྱིས་གོས་སྩལ་ལ་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་
D7a.012.0210a05.01ནས་གོས་བྱིན་པ་ལས་ཕྱིར་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་
D7a.012.0210a06.01དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་ལ་གོས་བྱིན་པ་ལས་ཕྱིས་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ།། །།
D7a.012.0210a07.01