完整藏文原文 · 德格版页 当前仅加载第 12 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ལ་དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ཤིག །དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་ཆུག་ཤིག །འོན་ཏེ་དེས་འདི་སྐད་དུ་འདིས་ཁའི་སྒོར་ནི་མ་རུང་
D7a.012.0112a01.01བར་མ་གྱུར་མོད་ཀྱི་བཤང་བའི་སྒོར་མ་རུང་ངོ་ཞེས་ཟེར་ན་དགེ་སློང་དེ་དམ་འཆར་ཆུག་ཤིག །ཁའི་སྒོ་ཇི་ལྟ་བ་དེ་བཞིན་དུ་གཅི་བའི་སྒོ་དང་། བཤང་བའི་སྒོར་ཡང་དེ་བཞིན་དུ་བྱའོ། །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ།
D7a.012.0112a02.01བཙུན་པ་དགེ་སློང་ཞིག་རྒྱལ་རིགས་མ་ཞིག་དང་ལྷན་ཅིག་ཏུ་མ་རུང་བར་གྱུར་པ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། །དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་དེ་ན་ཇི་ཟླ་ལྟ་ཡོད་དམ་ཞེས་དྲིས་ཤིག །
D7a.012.0112a03.01དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་གཞུག་གོ། །འོན་ཏེ་དེས་འདི་སྐད་དུ་འདི་རྒྱལ་རིགས་མ་དང་ལྷན་ཅིག་ཏུ་མ་རུང་བར་ནི་མ་གྱུར་གྱི་འདི་ནི་བྲམ་ཟེ་མོ་དང་། མ་རུང་བར་གྱུར་ཏོ་ཞེས་
D7a.012.0112a04.01ཟེར་ན་དགེ་སློང་དམ་འཆར་ཆུག་ཤིག །རྒྱལ་རིགས་མ་ལ་ཇི་ལྟ་བ་དེ་བཞིན་དུ་བྲམ་ཟེ་མོ་དང་། རྗེའུ་རིགས་མོ་དང་། དཀར་མོ་དང་། སྔོན་མོ་དང་། སེར་སྐྱ་མོ་དང་། རིང་མོ་དང་། ཐུང་ངུ་མ་དང་། ཤིན་ཏུ་ལེགས་པ་མོ་དང་། རིད་དེ་མ་དང་། ཚོན་མོ་དང་།
D7a.012.0112a05.01ལུས་མཉམ་པ་དང་། འགྲོ་བ་དང་། འདུག་པ་དང་། འགྲེང་བ་དང་། འཕྲེས་པ་རྣམས་ལ་ཡང་རྒྱས་པར་བྱའོ། །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་གིས་ལྟུང་བའི་ཕུང་པོ་དང་། ཉེས་
D7a.012.0112a06.01པ་བྱུང་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་བགྱིའམ། མི་བྱའོ། །དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་དེ་ན་ཇི་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་པར་ཟེར་ན་
D7a.012.0112a07.01