完整藏文原文 · 德格版页 当前仅加载第 12 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གིས་འགྲོ་བ་གཞན་དུ་གནས་པའི་དགེ་སློང་གིས་མང་པོར་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་ཟས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་
D7a.012.0181b01.01ཕ་རྣམས་ཀྱིས་མང་པོའི་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་ཟས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མང་པོ་འདུས་ཏེ་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ཡང་འདི་ལྟར་
D7a.012.0181b02.01གནས་དེ་ཉིད་དུ་ཟས་ནར་མར་གྱུར་ཏམ། ཟས་ཕན་ཚུན་དུ་བསྐུར་བར་གྱུར་པའོ། །བཙུན་པ་དགེ་སློང་གིས་དབེན་པ་ལ་མང་པོར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་མང་པོ་འདུས་ཤིང་ཟས་འཚལ་ན་ཅིར་འགྱུར། ལྟུང་བའོ། །བཙུན་
D7a.012.0181b03.01པ་དགེ་སློང་མས་མང་པོ་འདུས་ཤིང་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་མང་པོ་འདུས་ཤིང་འཚལ་ན་ཅིར་འགྱུར། ཉེས་བྱས་སོ།། །།མདོར་ན། ལྷ་ཟས་བཞི་པ་དེ་བཞིན་ཏེ། །གླིང་དང་ལྷ་དང་
D7a.012.0181b04.01མཚན་རྣམས་དང་། །ཁ་ཟས་མ་ཡིན་ཉེས་པ་དང་། །ངན་པ་དག་དང་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དུས་མ་ལགས་པར་བཅའ་བ་དང་བཟའ་བའི་རྣམས་འཆོས་
D7a.012.0181b05.01སམ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དུས་མ་ལགས་པར་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཟས་ཟོས་པའོ། །བཙུན་པ་ལྷའི་ཟས་ཀྱི་རང་བཞིན་ཇི་ལྟ་བུ། ཨུ་པཱ་ལི་མར་གྱི་རང་བཞིན་ལྟ་བུའོ། །
D7a.012.0181b06.01བཙུན་པ་དགེ་སློང་གིས་དུས་མ་ལགས་པ་ལ་དུས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། །དུས་མ་ལགས་པ་ལ་དུས་སུ་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །དུས་ལ་དུས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར་ཉེས་བྱས་སོ།
D7a.012.0181b07.01