完整藏文原文 · 德格版页 当前仅加载第 12 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གིས་དགེ་འདུན་ལ་བསྔོས་པའི་གོས་ཁྲུ་གང་བས་ཆུང་བ་ཞིག་བདག་ཉིད་ལ་བསྔོས་ཏེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །འོན་ཏེ་ཁྲུ་གང་གྲུ་བཞི་པར་གྱུར་པའམ། དེ་བས་ཆེ་བ་ནི་སྤང་བར་འགྱུར་རོ། །བཙུན་པ་དགེ་སློང་གིས་དགེ་འདུན་ལ་
D7a.012.0140a01.01རྙེད་པ་བསྔོས་པར་འཚལ་བཞིན་དུ་བདག་ཉིད་ལ་བསྔོས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བར་གྱུར་པ་སྟེ། གཉིས་ཀ་མི་རུང་བ་ནི་རྔ་མོའི་
D7a.012.0140a02.01བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཤིག་བདག་ཉིད་ལ་བསྔོས་ཏེ་མངོན་དུ་གྲུབ་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཕ་དང་མ་ལ་གོས་བླངས་ན་སྤང་བར་
D7a.012.0140a03.01འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་ཕ་དང་མ་གཉིས་ཀྱིས་དགེ་འདུན་ལ་བསྔོས་པར་ཤེས་བཞིན་དུ་བདག་ཉིད་ལ་བསྔོས་ན་སྤང་བར་འགྱུར་རོ། །བཙུན་པ་བསྙེན་པར་མ་རྫོགས་པར་བསླངས་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །
D7a.012.0140a04.01བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་
D7a.012.0140a05.01འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་པ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བསླངས་ལ་བསྙེན་པར་རྫོགས་པ་ན་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་བསླངས་ལ་བསྙེན་
D7a.012.0140a06.01པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་ལ་རྙེད་པ་བསྔོས་པར་འཚལ་བཞིན་དུ་བསྔོས་པར་འདུ་ཤེས་ཏེ་བདག་ཉིད་ལ་བསྔོས་ན་ཅིར་འགྱུར། སྤང་བར་འགྱུར་རོ། །བསྔོས་པ་ལ་མ་བསྔོས་པར་འདུ་ཤེས་ན་ཉེས་པ་མེད་དོ། །
D7a.012.0140a07.01