完整藏文原文 · 德格版页 当前仅加载第 12 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ཉེས་བྱས་སོ།། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ན་བ་མ་ནིང་འགྲོ་བ་དང་། །མཚན་དང་བཞི་པ་བཟའ་བ་
D7a.012.0182b01.01དང་། །ལྷ་ཟས་གླིང་དང་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་བཞག་པའི་བཅའ་བ་དང་བཟའ་བ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་
D7a.012.0182b02.01གིས་སྨྱོན་པས་བགྱིས་པའི་བཅའ་བ་དང་བཟའ་བ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་
D7a.012.0182b03.01བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། དེ་བཞིན་དུ་འགྲོ་བ་གཞན་དུ་གནས་པའི་དགེ་སློང་རྣམས་ཀྱིས་བཞག་
D7a.012.0182b04.01པར་བྱས་པ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་བཞག་པར་བགྱིས་པ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བཞག་པའི་བཅའ་བ་
D7a.012.0182b05.01དང་བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བཞག་པའི་བཅའ་བ་དང་། བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བཞག་
D7a.012.0182b06.01པ་ལ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། །བཞག་པ་ལ་མ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །མ་བཞག་པ་ལ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །མ་བཞག་པ་ལ་མ་བཞག་པར་
D7a.012.0182b07.01