完整藏文原文 · 德格版页 当前仅加载第 12 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་གིས་བཙོས་པའི་རྣམས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་སྔ་དྲོ་བའི་དང་། སླད་དྲོ་བའི་དང་། ཞག་བདུན་པའི་དང་། ནམ་འཚོའི་བར་གྱི་སྨན་གང་ལགས་པ་དེ་དག་བླངས་པ་དང་། བྱིན་
D7a.012.0256b01.01ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་མས་བཙོས་པ་རྣམས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བླངས་པ་ལ་བྱིན་ལེན་བགྱིས་པ་དང་། ནང་དུ་
D7a.012.0256b02.01བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་གིས་བཙོས་པ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་བླངས་པ་ལ་བྱིན་ལེན་བགྱི་བ་དང་། ནང་དུ་བཞག་པ་དང་། ནང་དུ་བཙོས་པ་དང་།
D7a.012.0256b03.01རང་གིས་བཙོས་པ་དང་། དགེ་སློང་མས་བཙོས་པ་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། བཙུན་པ་སྔ་དྲོ་བ་གང་ལགས་པ་དང་། སླད་དྲོ་བ་གང་ལགས་པ་དང་། ཞག་བདུན་པ་གང་ལགས་པ་དང་། ནམ་འཚོའི་བར་གྱི་སྨན་རྣམས་
D7a.012.0256b04.01གང་ལགས་པ་ཕན་ཚུན་འདྲེས་ཏེ་མ་ཕྱེད་ན་ནམ་འཚོའི་བར་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་མི་རུང་སྟེ། སྔ་དྲོ་བ་དང་། ཕྱི་དྲོ་བ་དང་། ཞག་བདུན་པ་དེ་རྣམས་ཀྱིས་ནམ་འཚོའི་བར་དུ་བྱ་བ་བྱར་མི་རུང་སྟེ། བྱིན་གྱིས་བརླབ་ཏུ་མི་རུང་ངོ་། །དེ་སྟེ་སྔ་དྲོ་བའི་དང་། ཕྱི་དྲོ་བའི་
D7a.012.0256b05.01དང་། ཞག་བདུན་པ་རྣམས་དབྱེ་བར་ནུས་ན་བྱིན་གྱིས་བརླབ་ཏུ་རུང་ངོ་། །བཙུན་པ་མི་རུང་བའི་ཞག་གིས་ལན་ཚྭ་བཙོས་ནས་འཚལ་བར་བགྱིའམ། ཨུ་པཱ་ལི་མི་ན་བས་བཟའ་བར་མི་བྱའོ། །ཤ་ལས་བཙོས་པའམ། མར་ལས་བཙོས་པའམ། འབྲུ་མར་ལས་བཙོས་པ་ཡང་དེ་བཞིན་
D7a.012.0256b06.01ནོ། །བཙུན་པ་མི་རུང་བའི་ལན་ཚྭས་འབྲུ་མར་རམ་མར་བཙོས་པ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་མར་རམ་འབྲུ་མར་ཆང་དང་ལྷན་ཅིག་བཙོས་པ་འཚལ་དུ་རུང་ངམ། ཨུ་པཱ་ལི་བཟར་རུང་ངོ་། །བཙུན་པ་མར་རམ་འབྲུ་མར་ཆང་དང་ལྷན་ཅིག་ཏུ་འདྲེས་པར་གྱུར་པ་འཚལ་
D7a.012.0256b07.01