完整藏文原文 · 德格版页 当前仅加载第 12 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིས་པ་དང་། གླེན་པ་དང་། མི་གསལ་བ་དང་། མི་མཁས་པ་དང་། ངོ་ཚ་མེད་པ་དང་། ཚིག་མི་བརྟན་པ་དང་། ཡི་དམ་ལས་ཉམས་པ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་དང་། སྨྱོས་པ་དང་རྣམ་པ་བཅུས་འཁྲུགས་ཀྱང་འཁྲུགས་པར་མི་
D7a.012.0271b01.01འགྱུར་རོ་ཞེས་གསུངས་ན། བཙུན་པ་དེ་སྟེ་ཆོས་བཞིན་མ་ལགས་པར་བགྱིད་ཅིང་དེ་དག་ཀྱང་སླར་བཟློག །སླར་དཀྲུགས་ཏེ། དེ་དག་གིས་སླར་བཟློག་སླར་དཀྲུགས་ན་སླར་དཀྲུགས་པ་མི་བརྩན་ནམ། ཨུ་པཱ་ལི་བརྩན་ཏེ། ངས་ཆོས་བཞིན་གྱི་ལས་ལ་
D7a.012.0271b02.01དགོངས་ཏེ་གསུངས་པས་ན། གང་ལ་ཆོས་བཞིན་གྱི་ལས་བྱེད་པ་དེ་ལ་སླར་བཟློག་པ་དང་དཀྲུགས་པ་ནི་མི་བརྩན་ནོ། །བཙུན་པ་གང་ཟག་བཅུ་གཉིས་ཀྱི་ལས་བསྐོ་བའི་ཚེ་དང་བསྙེན་པར་རྫོགས་པར་རིགས་པ་ལ་བསྙེན་པར་རྫོགས་པར་བགྱིད་པའི་ཚེ་དང་། དབྱུང་བར་
D7a.012.0271b03.01རིགས་པ་ལ་བྱིན་པའི་ཚེ་སླར་བཟློག་ཅིང་སླར་དཀྲུགས་ཏེ་བདག་ལ་ལས་མ་བྱེད་ཅིག་ཅེས་མཆི་ན་དེ་དག་གིས་སླར་བཟློག་པ་དང་། སླར་དཀྲུགས་པ་མི་བརྩན་ནམ། ཨུ་པཱ་ལི་བརྩན་ནོ། །ཆད་པའི་ལས་ནི་ངས་དགོངས་ཏེ་གསུངས་སོ། །བཙུན་པ་ལས་བགྱིད་པ་ཞིག་ལས་
D7a.012.0271b04.01བགྱིད་པའི་ཚེ་དུས་ལས་འདས་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་ལས་མང་དུ་བྱས་ལ་དེ་ཡང་དུས་ལས་འདས་ན་ལས་བྱས་པ་ཞེས་བྱའོ། །བཙུན་པ་ཉེ་བར་ཕྱོགས་པ་དང་ལྷན་ཅིག་ཀུན་དུ་སྤྱད་པར་བགྱིའམ་ཀུན་དུ་མི་སྤྱད་པར་བགྱི། ཨུ་པཱ་ལི་ཉེ་བར་ཕྱོགས་
D7a.012.0271b05.01པ་དང་ལྷན་ཅིག་ཀུན་ཏུ་མི་སྤྱད་པར་བྱའོ། །བཙུན་པ་སྤངས་པ་དེ་གྲོགས་ཞེས་བགྱིའམ། གྲོགས་མ་ལགས་པ་ཞེས་བགྱི། ཨུ་པཱ་ལི་སྤངས་པ་ཐམས་ཅད་ནི་གྲོགས་མ་ཡིན་པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་བསྡིགས་པའི་ལས་བགྱིས་པ་ལ་བཟོད་པ་སྩོལ་
D7a.012.0271b06.01ཅིག་ཅེས་གསུངས་ན། བཙུན་པ་གང་དུ་བཟོད་པ་སྩལ་བར་བགྱི། མཚམས་ཀྱི་ནང་དུའོ། །ཇི་ལྟར་བཟོད་པ་གསོལ་བར་བགྱི། སྤུ་འགྲེང་བ་ཉལ་བཞིན་དུ་དགེ་འདུན་ལ་སྤུ་བསྙལ་ཏེ་འབྱུང་བར་རྩོལ་ཞིང་ཕྱག་འཚལ་བར་སྟོན་མཚམས་ཀྱི་ནང་དུ་འདུག་ནས་བཟོད་པ་གསོལ་ཏེ་
D7a.012.0271b07.01