完整藏文原文 · 德格版页 当前仅加载第 12 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །ངོ་ཚ་མེད་པའོ། །འཛེམ་པ་མེད་པའོ་ཞེས་སྨོད་ཅིང་མཁན་པོ་སྤོང་བ་འདི་ནི་བསྙེན་པར་མ་རྫོགས་པ་ཞེས་བྱའོ། །གང་གིས་མཁན་པོ་ལ་མི་རིགས་པའོ། །ངོ་ཚ་མེད་པའོ་ཞེས་སྨོད་ཀྱིས་དགེ་སྦྱོང་ཉིད་ལ་མ་ཡིན་པ་མཁན་པོ་སྤངས་པ་འདི་ནི་བསྙེན་པར་རྫོགས་
D7a.012.0238b01.01པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་འཁོར་སུན་འབྱིན་པའི་གང་ཟག་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། བཙུན་པ་དེས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་འཁོར་སུན་
D7a.012.0238b02.01འབྱིན་པ་བཞི་སྟེ། སྔར་འཁྲུགས་པ་མ་གཏོགས་པའི་ལྷག་མ་རྣམས་ནི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་ལ་གནས་བཞིར་གང་ཟག་བཞི་བསྙེན་པར་
D7a.012.0238b03.01རྫོགས་པར་བགྱིད་དུ་གནང་ངམ། གནང་སྟེ། དེ་ཡང་འདི་ལྟར་ལས་བྱེད་པའི་དགེ་སློང་གནས་བཞི་ཆར་གྱི་མཚམས་སུ་ཤིང་ངམ། ཁར་བའམ། རེ་ལྡེ་རྣམས་ཀྱིས་མནན་ཏེ་རེ་རེ་ནས་སམ། གཉིས་གཉིས་ནས་སམ། གསུམ་གསུམ་ནས་བསྙེན་པར་རྫོགས་
D7a.012.0238b04.01པར་བྱ་སྟེ། བཞིར་མ་ཚང་ནའོ། །བཙུན་པ་ལས་གཅིག་གིས་གཉིས་སམ་གསུམ་བསྙེན་པར་རྫོགས་པར་གནང་ངམ། ཨུ་པཱ་ལི་གནང་ངོ་། །བཙུན་པ་ལས་བགྱིད་པའི་དགེ་སློང་ཕྱོགས་གཅིག་ཏུ་མཆིས་ན་གསོལ་བ་གཅིག་དང་ལས་གཅིག་གིས་གང་ཟག་བཞི་
D7a.012.0238b05.01བསྙེན་པར་རྫོགས་པར་བགྱིས་ན་ལས་ཀྱང་བགྱིས་ལ་དགེ་སློང་དེ་དག་ཀྱང་འདས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་ལས་བྱེད་པའི་དགེ་སློང་གིས་མཚམས་མནན་ཏེ། མཚམས་སུ་གནས་སམ། མཚམས་སུ་འགྲེང་
D7a.012.0238b06.01ངམ། མཚམས་སུ་འདུག་ནས། གཉིས་ནི་མཚམས་ཀྱི་ནང་དུ་བཞག་གཉིས་ནི་མཚམས་ཀྱི་ཕྱི་རོལ་དུ་བཞག་སྟེ་ལས་བྱེད་པའོ། །བཙུན་པ་ནུབ་ཀྱི་བ་ལང་སྤྱོད་པའམ། ཤར་གྱི་ལུས་འཕགས་ཀྱི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་
D7a.012.0238b07.01