完整藏文原文 · 德格版页 当前仅加载第 12 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །གང་གིས་ཤེས་བཞིན་དུ་མའི་འཚོ་བ་དང་ཕྲལ་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་མིག་ལམ་ན་སྣང་བར་མ་བྱེད་ཅིག །ཇི་ལྟར་
D7a.012.0236b01.01མ་བསད་པ་དེ་བཞིན་དུ་ཕ་བསད་པ་དང་། དགྲ་བཅོམ་པ་བསད་པ་ལ་ཡང་བརྗོད་པར་བྱའོ། །བཙུན་པ་དགེ་འདུན་གྱི་དབྱེན་བགྱིས་པའི་གང་ཟག་གིས་བསླབ་པ་ཕུལ་ཏེ་ཉམས་པར་བགྱིས་པ་དང་། དེས་སླར་ཡང་ལེགས་པར་གསུངས་པའི་ཆོས་འདུལ་བ་ལ་དད་དེ་
D7a.012.0236b02.01རབ་ཏུ་བྱུང་ནས་བསྙེན་པར་རྫོགས་ཏེ་དགེ་སློང་གི་དངོས་པོར་འཚལ་བ་དེ་དགེ་སློང་གིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་སྟེ། གང་གིས་ཆོས་
D7a.012.0236b03.01མ་ཡིན་པར་འདུ་ཤེས་པས་དགེ་འདུན་ཕྱེ་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་བྱོས་ཤིག །གང་གིས་ཆོས་སུ་འདུ་ཤེས་ཏེ་དགེ་འདུན་ཕྱེ་བར་གྱུར་པ་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་
D7a.012.0236b04.01གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །བཙུན་པ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་
D7a.012.0236b05.01པར་མ་རྫོགས་པ་ཞེས་བྱའོ། །གང་གིས་དེ་བཞིན་གཤེགས་པ་ལ་ཤེས་བཞིན་དུ་ངན་སེམས་ཀྱིས་ཁྲག་ཕྱུང་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག །གང་གིས་དེ་བཞིན་གཤེགས་པ་ལ་ཤེས་
D7a.012.0236b06.01བཞིན་མ་ཡིན་པར་ངན་སེམས་མེད་པས་ཁྲག་ཕྱུང་བར་གྱུར་ན་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །བཙུན་པ་མུ་སྟེགས་ཅན་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ཅིག་ནི་བསྙེན་
D7a.012.0236b07.01