完整藏文原文 · 德格版页 当前仅加载第 12 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
མི་མཁས་པའང་མ་ཡིན་མ་རིག་པར་གྱུར་པ་མ་ཡིན་པ་ནི་གང་ཆོས་སུ་འདུ་ཤེས་པས་དགེ་འདུན་འབྱེད་པའོ། །མི་མཁས་པ་དང་མ་རིག་པར་གྱུར་ལ་དགེ་འདུན་མི་འབྱེད་པ་ནི་སྟོན་པ་དྲུག་གོ། །དགེ་འདུན་འབྱེད་ལ་མི་མཁས་པ་དང་མ་རིག་པ་ནི་ལྷ་སྦྱིན་ནོ། །དགེ་འདུན་ཡང་མི་འབྱེད་
D7a.012.0287b01.01ལ་མི་མཁས་པའང་མ་ཡིན་མ་རིག་པར་གྱུར་པའང་མ་ཡིན་པ་ནི་རྣམ་པ་འདི་དག་མ་གཏོགས་པའོ།། །།མདོར་ན། ཕྱེ་བ་རྣམ་པ་དྲུག་ཏུ་བྱས། །རྒོལ་བ་རྣམ་བཞི་གསོ་སྦྱོང་དང་། །མཚམས་ལ་རྣམ་བཞི་གསུམ་པ་དང་། །བསྐལ་པ་བརྟན་མིན་དེ་བཞིན་ཏེ། །ཁྱིམ་པ་དག་ལ་
D7a.012.0287b02.01སོགས་པ་དང་། །བསླབ་པ་བྱིན་པ་ཐ་མའོ། །བཙུན་པ་ཕྱེ་བ་དང་ལྡན་པ་གང་ལགས། ཁ་ན་མ་ཐོ་བ་གང་ལགས། ཨུ་པཱ་ལི་དགེ་འདུན་ནི་ཕྱེ་བ་དང་ལྡན་པའོ། །འབྱེད་པ་ནི་ཁ་ན་མ་ཐོ་བའོ། །བཙུན་པ་དགེ་འདུན་ཕྱེ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་
D7a.012.0287b03.01འདུན་ཕྱེ་ན་ནོངས་པ་གང་བཤགས་པར་བགྱི། ཉེས་པ་སྦོམ་པོའོ། །བཙུན་པ་འདི་ལྟར་དགེ་སློང་དག་གིས་དགེ་སློང་གི་དགེ་འདུན་འབྱེད་ཀྱི། དགེ་སློང་མས་མ་ལགས། དགེ་སློབ་མས་མ་ལགས། དགེ་ཚུལ་མས་མ་ལགས། དགེ་ཚུལ་ཕས་མ་ལགས་སམ། ཨུ་པཱ་ལི་དེ་བཞིན་
D7a.012.0287b04.01ཏེ། དགེ་སློང་དག་གིས་དགེ་འདུན་འབྱེད་ཀྱི། དགེ་སློང་མས་མ་ཡིན། དགེ་སློབ་མས་མ་ཡིན། དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་ནོ། །ཨུ་པཱ་ལི་དེ་བཞིན་དུ་དགེ་སློང་མ་དག་གིས་དགེ་སློང་མའི་དགེ་འདུན་འབྱེད་ཀྱི་དགེ་སློང་གིས་མ་ཡིན། དགེ་སློབ་མས་མ་ཡིན།
D7a.012.0287b05.01དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་ཏེ། འོན་ཀྱང་དགེ་འདུན་འབྱེད་པའི་ཕྱིར་ནི་རྩོལ་ལོ། །བཙུན་པ་བཅོམ་ལྡན་འདས་ཀྱིས་རྣམ་པ་གཉིས་ཀྱི་སླད་དུ་དགེ་འདུན་འབྱེ་སྟེ། རྗེས་སུ་བསྒྲགས་པ་དང་། ཚུལ་ཤིང་ལེན་པའོ་ཞེས་གསུངས་ན། བཙུན་པ་གང་རྩེད་མོར་འཚལ་
D7a.012.0287b06.01བའམ། མ་འཚལ་བ་ཞིག་གིས་རྗེས་སུ་བསྒྲགས་ཤིང་ཚུལ་ཤིང་བྲིམས་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །འོ་ན་ཅིར་འགྱུར། ཉེས་བྱས་སོ། དགེ་འདུན་འབྱེད་པའི་དགེ་སློང་གིས་དགེ་འདུན་འབྱེད་པ་ན་མཚན་འཕོས་ན་དགེ་འདུན་ཕྱེ་བ་ཞེས་བགྱིའམ། ཨུ་
D7a.012.0287b07.01