完整藏文原文 · 德格版页 当前仅加载第 12 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་བྱིན་པ་དང་། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་འཕྲོག་ཏུ་
D7a.012.0135b01.01བཅུག་ན་ཐམས་ཅད་སྤང་བའི་ལྟུང་བར་འགྱུར་རོ། །བཙུན་པ་དགེ་སློང་གཉིས་ཀྱི་གོས་ཐུན་མོང་བ་ཞིག་སྩལ་ལ་དེ་ནས་ཕྱིས་གཅིག་གིས་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གོས་ཤིག་སྩལ་ཏེ་སླར་ཕྲོགས་པ་ན་དེའི་མཚན་འཕོས་ཏེ་དགེ་སློང་མར་གྱུར་
D7a.012.0135b02.01ནས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མ་ལ་གོས་ཤིག་སྩལ་ཏེ་སླར་ཕྲོགས་ན་མཚན་འཕོས་ཏེ་དགེ་སློང་དུ་གྱུར་ནས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གོས་ཁྲུ་གང་ལས་ཆུང་བ་ཞིག་སྩལ་བ་ལས་
D7a.012.0135b03.01ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གོས་སྩལ་ནས་སླར་ཕྲོགས་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་
D7a.012.0135b04.01ཀ་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། དེ་དག་དང་འདྲ་བར་ཐགས་སུ་མ་བཏགས་པའི་གོས་ཤིག་སྩལ་ཏེ་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་
D7a.012.0135b05.01རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་གོས་སྩལ་བ་ལས་སླར་ཕྲོགས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་
D7a.012.0135b06.01པར་འདུ་ཤེས་ཏེ་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གོས་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་དབྲོག་པར་བཤམས་ནས་བསྙེན་པར་མ་
D7a.012.0135b07.01