完整藏文原文 · 德格版页 当前仅加载第 12 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་དགེ་སློང་གིས་འདི་སྐད་དུ་བདག་ནི་ཉམས་སོ་ཞེས་མཆི་ན་ཅིར་འགྱུར། དེ་སྟེ་ཐོབ་པ་ལས་ཉམས་པར་ལུང་སྟོན་ན་མཐར་འགྱུར་ཏེ། བཙུན་པ་དགེ་སློང་གིས་བདག་ནི་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་
D7a.012.0100a01.01པ་རྣམས་མ་ཡིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འགྲོ་བ་ཞེས་བྱ་བའི་རི་ལ་རྒྱུན་དུ་ཞུགས་པའི་འབྲས་བུ་ཐོབ་བོ། རི་དགུ་པོ་ཞེས་བྱ་བའི་ངོས་ལ་ལན་ཅིག་ཕྱིར་འོང་བའི་འབྲས་བུ། བྱ་རྒོད་སྤུངས་པ་ཞེས་བྱ་བ་ལ་ཕྱིར་མི་འོང་བའི་འབྲས་བུ། འོད་
D7a.012.0100a02.01མའི་ཚལ་དུ་མཆོག་གི་འབྲས་བུ་ཐོབ་བོ་ཞེས་མཆི་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་མི་ལ་མི་མ་ལགས་པར་འདུ་ཤེས་ཏེ་མི་ལས་བླ་མར་གྱུར་པའི་ཆོས་ཤིག་ལུང་སྟོན་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་པ་
D7a.012.0100a03.01སྦོམ་པོར་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་པ་སྦོམ་པོར་འགྱུར་རོ། །མི་ལ་མིར་འདུ་ཤེས་ན་མཐར་འགྱུར་རོ། །བཙུན་པ་དགེ་སློང་གིས་འདི་སྐད་དུ་ཉན་ཐོས་ཀྱིས་ཐོབ་པར་བྱ་བ་གང་ཡིན་པ་དེ་བདག་གིས་ཐོབ་བོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་
D7a.012.0100a04.01འགྱུར་རོ། །བཙུན་པ་དགེ་སློང་གིས་འདི་སྐད་དུ་དེང་བདག་གིས་འཇིག་རྟེན་པའི་བསམ་གཏན་ལ་སྙོམས་པར་མ་ཞུགས་ཏེ། སྲོད་ལ་ནི་མ་ཡིན། དེ་ཕན་ཅད་མ་ཡིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་ལུང་བསྟན་གྱིས་ཚུར་
D7a.012.0100a05.01ཤོག་ཅེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་གང་དང་སེམས་འཁྲུགས་པ། །ན་བ་འོན་པ་གླེན་པའོ། །བཙུན་པ་དགེ་སློང་གིས་ཕོ་ཉ་ལས་མི་ལས་བླ་མར་
D7a.012.0100a06.01གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ལ་བསྒོ་བ་དང་། གཅིག་དང་གཅིག་ཏུ་བརྒྱུད་ན་ཐམས་ཅད་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སྨྱོན་པ་ཞིག་ལ་མི་ལས་བླ་མར་གྱུར་པའི་
D7a.012.0100a07.01