完整藏文原文 · 德格版页 当前仅加载第 12 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལ་ཁས་བླངས་ན་དེ་དག་ལ་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་སྦྱིན་པར་བྱའོ། །བཙུན་པ་དགེ་སློང་གིས་གནས་བཞི་ནས་ཆོས་གོས་ཀྱི་སྐལ་བ་བདག་གིར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་
D7a.012.0259b01.01གནས་བཞི་ཆར་མཚམས་གཅིག་ཏུ་བྱས་ནས་དབྱར་ཚུལ་དུ་ཞུགས་པའོ། །བཙུན་པ་ཇི་ཙམ་གྱིས་ན་ཆོས་གོས་རྙེད་པ་ཞེས་བགྱི། ཨུ་པཱ་ལི་འདི་ལྟ་སྟེ། འདི་ནི་བདག་གི་ཆོས་གོས་སོ་སྙམ་ནས་མིག་གིས་མཐོང་བར་གྱུར་པའམ། ལག་པའམ། ཕྲག་པའམ། པང་
D7a.012.0259b02.01པར་བཞག་པར་གྱུར་པའོ། །བཙུན་པ་དགེ་སློང་གཅིག་པུས་དགེ་འདུན་གྱི་རྙེད་པ་བདག་གིར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་གཅིག་པུ་གནས་པར་གྱུར་ལ། དེར་ཡང་མི་དག་གིས་དགེ་འདུན་གྱི་ཕྱིར་གོས་
D7a.012.0259b03.01ཕུལ་ནའོ། །བཙུན་པ་དགེ་སློང་གིས་དགེ་འདུན་གྱི་རྙེད་པ་བཏགས་པ་བདག་གིར་བགྱིས་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་འདུན་ལ་བསྔོས་པར་གྱུར་པའོ། །བཙུན་པ་དགེ་སློང་སྨྱོན་པ། ཆོས་གོས་བགེད་པར་བསྐོ་བར་བགྱི་འམ།
D7a.012.0259b04.01ཨུ་པཱ་ལི་མ་ཡིན་ནོ། །སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་འང་དེ་བཞིན་ནོ། །བཙུན་པ་དགེ་སློང་དམུས་ལོང་ཆོས་གོས་བགེད་པར་བསྐོ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་སྨྱོན་པའི་ཆོས་
D7a.012.0259b05.01གོས་གང་ནས་བཟུང་སྟེ་བསྔོ་བར་བགྱི། ནམ་རང་གི་སེམས་སོར་ཆུད་པ་ཚུན་ཆད་དོ། །བཙུན་པ་སྨྱོན་པ་ལས་ཆོས་གོས་བླང་བར་བགྱིའམ། མི་བླང་བར་བགྱི། ཁ་ཅིག་ལས་ནི་བླང་བར་བྱ། ཁ་ཅིག་ལས་ནི་མི་བླང་བར་བྱའོ། །གང་ལས་བླང་བར་བྱ། གང་ལ་
D7a.012.0259b06.01ཕའམ། མའམ། སྤུན་ནམ། སྲིང་མོ་གསོན་པ་འམ། རང་གི་ཁྱིམ་ནས་བྱིན་ཡང་རུང་སྟེ། ཡོངས་སུ་གཏོང་བའི་འདུ་ཤེས་ཀྱང་ཡོད་པའོ། །བཙུན་པ་དབྱར་ཞིག་པ་ལས་དབྱར་གྱི་རྙེད་པ་སྩལ་བར་བགྱིའམ། ཁ་ཅིག་ལ་ནི་སྦྱིན། ཁ་ཅིག་ལ་ནི་མི་སྦྱིན་ནོ། །གང་ལ་མི་
D7a.012.0259b07.01