完整藏文原文 · 德格版页 当前仅加载第 12 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགེ་སློང་གིས་སྨྱོན་པ་ལ་ཆབ་ཀྱིས་དགའ་བར་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་།
D7a.012.0205a01.01སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཆུ་ལ་དགའ་བར་བྱས་ན་ཐམས་ཅད་ཉེས་བྱས་སུ་འགྱུར་རོ། །ཇི་ལྟར་དགའ་བར་བྱེད་པ་དེ་བཞིན་དུ་རྩེ་བ་དང་། མོས་པ་ཡང་རྒྱས་པར་བརྗོད་པར་བྱའོ།། །།མདོར་ན། ཆུ་དང་གཉིས་དང་དེ་བཞིན་སྔགས། །
D7a.012.0205a02.01གཞན་གྱིས་གཞན་གྱི་མཚན་རྣམས་དང་། །དབེན་དང་བཞི་པ་མ་ནིང་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་ཆབ་མ་གཏོགས་པར་དེ་ལས་གཞན་པའི་དངོས་པོས་དགའ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆར་
D7a.012.0205a03.01འབབ་པའི་ཆུའི་ཐིགས་པའམ། ཁ་བའམ་ཟིལ་པའི་ཐིགས་པ་རྣམས་ཀྱིས་དགའ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགའ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་
D7a.012.0205a04.01གཞན་གྱིས་དགའ་བར་བགྱིད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གཞན་དག་གི་སླད་དུ་དགའ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆབ་ལ་དགའ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར།
D7a.012.0205a05.01ལྟུང་བའོ། །བཙུན་པ་དགེ་སློང་མས་ཆབ་ལ་དགའ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་དགའ་བར་བགྱིད་ན་ཅིར་འགྱུར། ལྟུང་བའོ། །ཆུ་ལ་ཆུ་མ་ཡིན་པར་འདུ་ཤེས་
D7a.012.0205a06.01ན་ཉེས་བྱས་སུ་འགྱུར་རོ། །ཆབ་མ་ལགས་པ་ལ་ཆབ་མ་ལགས་པར་འདུ་ཤེས་ཏེ་དགའ་བར་བགྱིད་ན་ཅིར་འགྱུར། ཉེས་བྱས་སུ་འགྱུར་རོ། །དེ་བཞིན་དུ་མི་ལ་མིར་འདུ་ཤེས་པ་ཡང་བཞིར་སྦྱར་རོ། །བཙུན་པ་དགེ་སློང་གིས་མ་ནིང་ཞིག་དགའ་བར་བགྱིད་དུ་སྩལ་ན་ཅིར་འགྱུར།
D7a.012.0205a07.01