完整藏文原文 · 德格版页 当前仅加载第 12 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དང་ནི་གཞན་དུ་དང་། །མང་པོ་མཚན་དང་བཞི་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གང་དུས་ལ་བབ་པ་མ་གཏོགས་པར་མང་པོ་འདུས་ཤིང་ཟ་ན་ལྟུང་བར་འགྱུར་རོ་ཞེས་གསུངས་ན།
D7a.012.0180b01.01བཙུན་པ་དགེ་སློང་གིས་སྔགས་དང་སྨན་གྱིས་བདག་མི་སྣང་བར་བགྱིས་ཏེ་མང་པོ་འདུས་པར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མཁའ་ལ་མཆིས་ཏེ་ཟས་དོག་ས་ལ་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་
D7a.012.0180b02.01དོག་ས་ལ་མཆིས་ཏེ་ཟས་ནམ་མཁའ་ལ་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མཚམས་ཀྱི་སླད་རོལ་ན་མཆིས་ཏེ་ཟས་མཚམས་ཀྱི་ནང་ན་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མཚམས་ཀྱི་ནང་ན་མཆིས་ཏེ་
D7a.012.0180b03.01ཟས་མཚམས་ཀྱི་སླད་རོལ་ན་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟས་མི་རུང་བ་མང་པོ་འདུས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མང་པོ་འདུས་ཏེ་ཟས་འཚལ་ཀྱང་ནོངས་པར་མི་འགྱུར་བ་མཆིས་
D7a.012.0180b04.01སམ། ཨུ་པཱ་ལི་ཡོད་དེ། དུས་དྲུག་ལས་གང་ཡང་རུང་བའི་དུས་ཤིག་བྱུང་བར་གྱུར་པའོ། །བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཏུང་བ་དང་། བཞིབ་པ་དང་། བལྡག་པའི་རྣམས་མང་པོ་འདུས་ཏེ་འཚལ་ན་ཅིར་འགྱུར། ཉེས་
D7a.012.0180b05.01བྱས་སོ། །བཙུན་པ་དགེ་སློང་གིས་མཚམས་ཀྱི་སླད་རོལ་ནས་གཞན་ཞིག་གིས་ཟས་བླངས་ཏེ་མཚམས་ཀྱི་ནང་དུ་མཆིས་ནས་མང་པོ་འདུས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མཚམས་ཀྱི་ནང་ནས་ཟས་ཤིག་བླངས་ཏེ་གཞན་དུ་མཆིས་ནས་མང་པོ་འདུས་
D7a.012.0180b06.01ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་མཚམས་གཅིག་ནས་གཅིག་པའི་དགེ་སློང་མང་པོ་ཞིག་སོ་སོར་འདུས་ཏེ་འཚལ་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་སྟེ་གནས་གསུམ་གསུམ་འདུས་ཏེ་ཟོས་ཀྱི་བཞིར་མ་ཚང་བའོ། །བཙུན་པ་
D7a.012.0180b07.01