完整藏文原文 · 德格版页 当前仅加载第 12 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགེ་སློང་གིས་སྟེང་གི་ནམ་མཁའ་ལ་གཞལ་མེད་ཁང་དུ་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །བཙུན་པ་དེ་སྟེ་གཞལ་མེད་ཁང་དེ་ནས་གནས་གཞན་དུ་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །
D7a.012.0252b01.01བཙུན་པ་བཅོམ་ལྡན་འདས་ཀྱིས་གང་སྤྱོད་ཡུལ་ལ་རྟེན་ཏེ་ཚུལ་དུ་ཞུགས་ཤིག་ཅེས་གསུངས་ན། བཙུན་པ་དགེ་སློང་གི་སྤྱོད་ཡུལ་མ་མཆིས་པར་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །བཙུན་པ་དགེ་སློང་གིས་སྤྱོད་ཡུལ་ལ་
D7a.012.0252b02.01བརྟེན་ཏེ་དབྱར་ཚུལ་དུ་ཞུགས་པར་གྱུར་ན་ཅི་དེས་དེར་ཞག་བདུན་དུ་བྱིན་གྱིས་རླབས་ཏེ་མཆི་བར་བགྱིའམ། ཨུ་པཱ་ལི་མ་ཡིན་ཏེ། དེས་དེ་ཉིད་ལ་བརྟེན་ནས་དབྱར་ཚུལ་དུ་ཞུགས་པའི་ཕྱིར་རོ། །བཙུན་པ་དགེ་སློང་གིས་དབྱར་ཚུལ་དུ་ཞུགས་ཏེ་བདག་ཚུལ་དུ་ཞུགས་སམ་མ་ཞུགས་ཞེས་
D7a.012.0252b03.01ཐེ་ཚོམ་ཟ་ཞིང་དོགས་པར་གྱུར་ན། ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །བཙུན་པ་དེ་སྟེ་ཐེ་ཚོམ་དང་དོགས་པ་ལས་ཐེ་ཚོམ་དང་དོགས་པ་བསལ་མ་ནུས་ན་དེས་སླར་ཡང་དབྱར་ཚུལ་དུ་འཇུག་པར་བགྱིའམ། ཨུ་པཱ་ལི་ཚུལ་དུ་འཇུག་པར་
D7a.012.0252b04.01བྱའོ། །བཙུན་པ་དེའི་དབྱར་གྱི་ཚུལ་གང་ལགས། ཨུ་པཱ་ལི་སྔ་མའོ། །བཙུན་པ་དགེ་སློང་གིས་གནས་འདིར་དབྱར་གནས་པར་བྱའོ་སྙམ་དུ་སོང་སྟེ་དེས་དེར་ཕྱིན་པ་དང་སྐྱ་རེངས་ཤར་ནས་དབྱར་ཕྱི་མར་གྱུར་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་
D7a.012.0252b05.01ཞེས་བྱ་སྟེ། དེས་དེར་ཚུལ་དུ་འཇུག་པར་བསམས་པའི་ཕྱིར་རོ། །བཙུན་པ་དགེ་སློང་གིས་གཙུག་ལག་ཁང་ཞིག་ཏུ་སོང་སྟེ་གནས་འདིར་བདག་ཚུལ་དུ་འཇུག་གོ་ཞེས་བསམས་ནས་དེས་རྐང་པ་ཡ་གཅིག་ནི་མཚམས་ཀྱི་ནང་དུ་བཞག །རྐང་པ་གཅིག་ནི་མཚམས་ཀྱི་ཕྱི་རོལ་དུ་བཞག་
D7a.012.0252b06.01པ་དང་སྐྱ་རེངས་ཤར་ནས་དབྱར་ཕྱི་མར་གྱུར་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱ་སྟེ། དེས་དེར་ཚུལ་དུ་འཇུག་པར་བསམས་པའི་ཕྱིར་རོ། །བཙུན་པ་དགེ་སློང་གིས་དབྱར་ཚུལ་དུ་ཞུགས་པ་ན་མཚན་གྱུར་ན་ཚུལ་དུ་ཞུགས་པ་ཞེས་
D7a.012.0252b07.01