完整藏文原文 · 德格版页 当前仅加载第 12 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་བསླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་ཞིག་སྨྱོན་པས་མགྲོན་བགྱིས་པ་དང་དེ་ལས་འདས་པ་བསླངས་ཏེ་འཚལ་ན་ཅིར་འགྱུར།
D7a.012.0216a01.01ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱིས་དུས་ཇི་
D7a.012.0216a02.01ཙམ་ཞིག་གིས་མགྲོན་བྱས་པ་དེ་ལས་འདས་པར་བསླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མི་རུང་བ་དང་མ་གཏོགས་དང་། །མཚན་དང་བཞི་པ་དེ་བཞིན་ཏེ། །བསྐོས་པ་དང་ཡང་བར་ཆད་དང་། །གཞན་གྱིས་གཞན་གྱི་བདུན་པའོ། །བཙུན་
D7a.012.0216a03.01པ་དགེ་སློང་གིས་དུས་ཇི་སྲིད་ཅིག་ཏུ་བཅའ་བ་དང་། བཟའ་བ་ཇི་ཙམ་གྱིས་མགྲོན་བགྱིས་པ་དེ་ལས་འདས་པར་བཅའ་བ་དང་བཟའ་བར་རུང་བ་བསླངས་ཏེ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་གྱིས་མགྲོན་བགྱིས་པ་དེ་ལས་འདས་
D7a.012.0216a04.01པར་བཅའ་བ་དང་། བཟའ་བ་མ་གཏོགས་པར་དེ་ལས་གཞན་པ་སྨན་རྣམས་སྨན་དུ་བགྱི་བར་འཚལ་ཏེ། ཟས་སུ་མ་ལགས་པ་དེ་དག་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་བགྱིས་པ་དེ་ལས་འདས་
D7a.012.0216a05.01པར་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་ཇི་སྲིད་དུ་ཇི་ཙམ་གྱིས་མགྲོན་བགྱིས་པ་དེ་ལས་འདས་པར་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །
D7a.012.0216a06.01བཙུན་པ་དགེ་སློང་གིས་མི་ལ་མིར་འདུ་ཤེས་ནས་བསླངས་ཏེ་འཚལ་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ནས་
D7a.012.0216a07.01