完整藏文原文 · 德格版页 当前仅加载第 12 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་ན་ཅིར་འགྱུར། སྤང་བའི་ལྟུང་བར་འགྱུར་རོ།། །།མདོར་ན། མི་རུང་བ་དང་བཞི་པ་གཉིས། །བདུན་པ་དང་ཡང་མཚན་དེ་བཞིན། །དགེ་སློང་དགེ་སློང་མ་དེ་བཞིན། །སྡེར་འགྱུར་བ་ནི་བསྡུས་པའོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་
D7a.012.0119b01.01གོས་བསླངས་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་བ་ལང་གི་བལ་དང་། རྔ་མོའི་བལ་དང་། རའི་བལ་
D7a.012.0119b02.01དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པའི་གོས་དེ་འདྲ་བ་ཞིག་བསླངས་ན་ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་གཉེན་མ་ལགས་པར་འདུ་ཤེས་ཏེ་གོས་བསླངས་ན་ཅིར་འགྱུར། སྤང་བའི་ལྟུང་བར་འགྱུར་
D7a.012.0119b03.01རོ། །གཉེན་མ་ཡིན་པ་ལ་གཉེན་མ་ཡིན་པར་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་བསྙེན་པར་རྫོགས་པའི་དགེ་སློང་མ་ལ་བསྙེན་པར་མ་རྫོགས་
D7a.012.0119b04.01པར་འདུ་ཤེས་ཏེ། བསླངས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་མ་རྫོགས་མ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་མ་རྫོགས་པ་ལ་
D7a.012.0119b05.01བསྙེན་པར་མ་རྫོགས་མར་འདུ་ཤེས་ན་ཉེས་བྱས་སོ། །བཙུན་པ་བསྙེན་པར་མ་རྫོགས་པས་གཉེན་མ་ལགས་པའི་དགེ་སློང་མ་ལ་གོས་བསླངས་ནས་བསྙེན་པར་མ་རྫོགས་པར་བསླངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པས་བསླངས་ནས་བསྙེན་
D7a.012.0119b06.01པར་རྫོགས་ཀར་བསླངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ནས་བསྙེན་པར་རྫོགས་ཏེ་བསླངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཀར་བསླངས་ན་ཅིར་འགྱུར། ཉེས་བྱས་སོ། །
D7a.012.0119b07.01