完整藏文原文 · 德格版页 当前仅加载第 12 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
གཡོགས་ལྷག་པ་ཕྱིར་མ་བྱིན་ནམ་ལྷག་པར་བསླངས་ན་དེས་བསླངས་པ་ནི་ཉེས་བྱས་སོ། །ཐོབ་ན་སྤང་བའི་ལྟུང་བའོ། །དེ་ལ་ཁྱིམ་བདག་གི་མཐང་གོས་དང་། སྟོད་གཡོགས་མཆོག་པའམ། ལྷག་པར་བསླངས་སམ། དགེ་སློང་གིས་མཐང་གོས་དང་། སྟོད་གཡོགས་
D7a.012.0122a01.01ལྷག་པ་ཕྱིར་མ་བྱིན་ནམ། ལྷག་པར་བསླངས་ན་སྤང་བར་འགྱུར་རོ། །ལྷག་མ་རྣམས་ནི་ཇི་ལྟར་བསླབ་པའི་གནས་ཀྱི་གཞུང་སྔ་མའི་རིམ་པ་དེ་བཞིན་དུ་བསླབ་པའི་གནས་འདི་ལ་ཡང་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་
D7a.012.0122a02.01ནས་གཅིག །སྨྱོན་པ་སེམས་འཁྲུགས་ནད་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ལ་གཉེན་མ་ལགས་
D7a.012.0122a03.01པའི་ཁྱིམ་བདག་གམ། ཁྱིམ་བདག་གི་མཆིས་འབྲང་གིས་གོས་ཀྱི་རིན་ཞིག་བཞག་པར་གྱུར་པ་དང་། དེ་ལ་སྔར་མ་སྩལ་བར་དགེ་སློང་དེས་གོས་སྒྲུབ་པའི་ཕྱིར་རྟོག་པ་ཅུང་ཟད་ཅིག་སྐྱེས་ནས་མངོན་པར་གྲུབ་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་
D7a.012.0122a04.01དགེ་སློང་གིས་རྣམ་པར་རྟོག་པ་བསྐྱེད་ནས་ཕྲིན་གྱིས་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་
D7a.012.0122a05.01ལ་རྣམ་པར་རྟོག་པ་ལ་བསྐྱེད་ནས་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འདི་
D7a.012.0122a06.01ལས་ཕྱི་རོལ་མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་རྟོག་པ་སྐྱེས་ཏེ་གོས་ཐོབ་ན་ཅིར་འགྱུར། ཉེས་བྱས་སོ།། །།མདོར་ན། མི་རུང་བ་དང་བཞི་པ་གཉིས། །བདུན་པ་དང་ནི་མཚན་དེ་བཞིན། །ཉུང་རུམ་མ་ནིང་
D7a.012.0122a07.01