完整藏文原文 · 德格版页 当前仅加载第 12 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་བཅས་པའོ། །མཐའ་འཁོབ་པས་འཕགས་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་ཀྱང་འཕགས་པའི་སྐད་མ་འཚལ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་པ་ས་ལ་གནས་པའི་གྲངས་
D7a.012.0249b01.01ནམ་མཁའ་ལ་གནས་པས་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་པ་ནམ་མཁའ་ལ་གནས་པའི་གྲངས་ས་ལ་གནས་པས་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ།
D7a.012.0249b02.01ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་པ་ས་ལ་གནས་པས་ནམ་མཁའ་ལ་གནས་པ་རྣམས་ལ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་
D7a.012.0249b03.01པ་ནམ་མཁའ་ལ་གནས་པས་ས་ལ་གནས་པ་རྣམས་ལ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །དེ་བཞིན་དུ་མཚམས་ཀྱི་ནང་ན་འཁོད་པ་དང་། མཚམས་ཀྱི་ཕྱི་རོལ་ན་འཁོད་པ་རྣམས་ལྷན་ཅིག་ཏུ་
D7a.012.0249b04.01རྣམ་པ་བཞིར་བྱའོ། །བཙུན་པ་བཅོམ་ལྡན་འདས་ཀྱིས་གང་སྐབས་འབྱེད་པ་དེ་ཉིད་ཀྱི་ཚེ་དངོས་པོ་ནི་ཡོད། གང་ཟག་ནི་མེད་དོ་ཞེས་གསུངས་ན། བཙུན་པ་དངོས་པོ་ནི་གང་ལགས། གང་ཟག་ནི་གང་ལགས། ཉེས་པ་ནི་དངོས་པོའོ། །ཉེས་པ་བྱེད་པ་ནི་གང་ཟག་ཅེས་བྱའོ། །བཙུན་
D7a.012.0249b05.01པ་ཚིག་ཏུ་མ་བརྗོད་ཅིང་སྐབས་ཕྱེ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་སྤྲིང་ཡིག་གམ་ལག་བརྡས་སྐབས་ཕྱེ་བ་ཞེས་བྱའོ། །བཙུན་པ་དགེ་སློང་ཞིག་ཕྱོགས་གཅིག་ཏུ་འགྲེང་ནས་གནས་བཞིར་སྐབས་འབྱེད་ན་སྐབས་ཕྱེ་བར་འགྱུར་བ་མཆིས་སམ།
D7a.012.0249b06.01ཨུ་པཱ་ལི་ཡོད་དེ། འདི་ལྟར་ཡང་སྐབས་འབྱེད་པའི་དགེ་སློང་དེས་གནས་བཞིའི་མཚམས་སུ་ཤིང་ངམ་རེ་ལྡེས་མནན་ཏེ་སྐབས་འབྱེད་པའོ། །བཙུན་པ་གནས་ཀྱང་གཅིག་མཚམས་ཀྱང་གཅིག་པར་ལྷན་ཅིག་གནས་པའི་དགེ་སློང་དེ་དག་གིས་ཕྱོགས་བཞིར་སྐབས་ཕྱེ་ན་སྐབས་ཕྱེ་བར་ཡང་
D7a.012.0249b07.01