完整藏文原文 · 德格版页 当前仅加载第 12 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མི་ནུས་པའོ། །བཙུན་པ་དགེ་སློང་གིས་གཞལ་དུ་མི་རུང་བའི་དངོས་པོ་ཞིག་བརྐུས་ན་ཅིར་འགྱུར། མཐར་འགྱུར་རོ། །དེ་སྟེ་གཞལ་དུ་རུང་བའི་དངོས་པོ་ཞིག་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བརྐུ་བའི་ཕྱིར་བཤམས་པ་
D7a.012.0094b01.01ལས་མཚན་འཕོས་ཏེ་དགེ་སློང་མར་གྱུར་ནས་བརྐུས་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་མས་བརྐུ་བར་བཤམས་པ་ལས་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། མཐར་འགྱུར་རོ། །བཙུན་པ་བསྙེན་པར་མ་རྫོགས་པར་བརྐུ་བར་བཤམས་ནས་
D7a.012.0094b02.01བསྙེན་པར་མ་རྫོགས་པར་བརྐུས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་བཤམས་ནས་བསྙེན་པར་རྫོགས་ཀར་བརྐུས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་བཤམས་ཏེ། བསྙེན་པར་རྫོགས་ནས་བརྐུས་ན་ཅིར་
D7a.012.0094b03.01འགྱུར། མཐར་འགྱུར་རོ། །བསྙེན་པར་རྫོགས་ཀར་བརྐུ་བར་བཤམས་ནས་བསྙེན་པར་རྫོགས་ཀར་བརྐུས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྐུ་བའི་སླད་དུ་བཤམས་ནས་བསྙེན་པར་རྫོགས་ཏེ་བརྐུས་ན་ཅིར་འགྱུར། མཐར་འགྱུར་རོ། །བཙུན་
D7a.012.0094b04.01པ་དགེ་སློང་གིས་བསྙེན་པར་རྫོགས་ཏེ་བརྐུ་བར་བཤམས་ལ་བསྙེན་པར་རྫོགས་ནས་བརྐུས་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་བརྐུ་བར་བཤམས་ཏེ་བསྙེན་པར་མ་རྫོགས་པར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་
D7a.012.0094b05.01དགེ་སློང་གིས་ནམ་མཁའ་ལ་ཤོ་གམ་བཟླས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། འོན་ཏེ་རྫུ་འཕྲུལ་གྱིས་བཟླས་ན་ཉེས་པ་མེད་དོ། །བཙུན་པ་དགེ་སློང་གིས་ལམ་མ་ལགས་པ་ནས་ཤོ་གམ་བཟླས་ན་ཅིར་འགྱུར། དེ་སྟེ་དེའི་ས་ལས་འདས་ན་ཉེས་པ་སྦོམ་པོར་
D7a.012.0094b06.01འགྱུར་རོ། །བཙུན་པ་དགེ་སློང་གིས་ཚོང་པ་རྣམས་འགྲོའོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་འདི་ལྟར་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་
D7a.012.0094b07.01