完整藏文原文 · 德格版页 当前仅加载第 12 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་ཐབས་སྤྱི་བོ་ནས་བླུགས་པའི་ཁྱིམ་དུ་ནམ་མ་ལངས་ཤིང་སྐྱ་རེངས་མ་ཤར་བ་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ནམ། སྒོ་གཏན་གྱི་ཉེ་འཁོར་ལས་འདས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་
D7a.012.0226a01.01སློང་གིས་ནམ་མ་ལངས་ཤིང་སྐྱ་རེངས་མ་ཤར་བ་ལ་རིན་པོ་ཆེ་འམ་རིན་པོ་ཆེར་གཏོགས་པ་རྣམས་མ་བསྡུས་པར་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མ་ལངས་ཤིང་སྐྱ་
D7a.012.0226a02.01རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་ནམ་མཁའ་ལས་སྒོ་གཏན་ཉི་ཚེ་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་
D7a.012.0226a03.01བསྡུས་པར་སྒོ་གཏན་ཉི་ཚེ་འདའ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་སྒོ་གཏན་ཉི་ཚེ་འདའ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་སྐྱ་
D7a.012.0226a04.01རེངས་མ་ཤར་བ་ལ་མ་ཤར་བར་འདུ་ཤེས་ཏེ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། །མ་ཤར་བ་ལ་ཤར་བར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། །ཤར་བ་ལ་མ་ཤར་བར་འདུ་ཤེས་ཏེ་
D7a.012.0226a05.01འདས་ན་ཉེས་བྱས་སོ། །ཤར་བ་ལ་ཤར་བར་འདུ་ཤེས་ཏེ་འདས་ན་ཉེས་པ་མེད་དོ། །བཙུན་པ་དགེ་སློང་གིས་རིན་པོ་ཆེའམ་རིན་པོ་ཆེར་གཏོགས་པ་རྣམས་མ་བསྡུས་པ་ལ་མ་བསྡུས་པར་འདུ་ཤེས་ཏེ་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། །མ་བསྡུས་པ་ལ་
D7a.012.0226a06.01བསྡུས་པར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། །བསྡུས་པ་ལ་མ་བསྡུས་པར་འདུ་ཤེས་ནས་འདས་ན་ཅིར་འགྱུར། ཉེས་བྱས་སོ། །བསྡུས་པ་ལ་བསྡུས་པར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་མི་ལ་
D7a.012.0226a07.01