完整藏文原文 · 德格版页 当前仅加载第 12 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཉུང་རུམ་ལས་གོས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། མ་ནིང་མོ་ཐམས་ཅད་ལ་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་གཉེན་མ་ལགས་པའི་ཁྱིམ་བདག་གམ། ཁྱིམ་བདག་གི་
D7a.012.0121b01.01མཆིས་འབྲང་ལས་གོས་བསླངས་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་མ་ལ་བསླངས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་སློང་དང་། དགེ་ཚུལ་མ་རྣམས་ལ་
D7a.012.0121b02.01བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ཁྱིམ་བདག་གམ། ཁྱིམ་བདག་གི་མཆིས་འབྲང་ལ་བསླངས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། །དགེ་སློང་མས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་
D7a.012.0121b03.01དང་། དགེ་ཚུལ་ཕ་རྣམས་ལ་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློབ་མ་དང་། དགེ་ཚུལ་ཕ་རྣམས་ལའང་ཉེས་བྱས་ཏེ་རྒྱས་པར་བརྗོད་པར་བྱའོ། །བསླངས་པ་ལ་ཇི་ལྟ་བ་བཞིན་དུ་སྟོད་གཡོགས་དང་། མཐང་གོས་ལ་ཐ་དད་ཅི་
D7a.012.0121b04.01ཡོད་ཅེ་ན། སྟོད་གཡོགས་དང་མཐང་གོས་ལ་གཉིས་ཏེ། དགེ་སློང་གི་སྟོད་གཡོགས་དང་། མཐང་གོས་དང་། ཁྱིམ་པའི་སྟོད་གཡོགས་དང་། མཐང་གོས་སོ། །དགེ་སློང་གིས་ཁྱིམ་པའི་སྟོད་གཡོགས་དང་། །མཐང་གོས་ཐོབ་ནས་ཁྱིམ་པའི་མཐང་གོས་
D7a.012.0121b05.01དང་། སྟོད་གཡོགས་བསླངས་པ་ལས་དེ་སྟེ་མཆོག་པར་གྱུར་ན་མ་སློངས་ཤིག །འོན་ཏེ་ལྷག་ནའང་མ་སྦྱིན་ཞིག །དགེ་སློང་གིས་ཁྱིམ་བདག་གི་སྟོད་གཡོགས་དང་། མཐང་གོས་མ་ཆོག་གམ། ལྷག་ནས་བསླངས་ན་དེ་ནི་ཉེས་བྱས་སུ་འགྱུར་རོ། །ཐོབ་ན་སྤང་བའི་
D7a.012.0121b06.01ལྟུང་བའོ། །དགེ་སློང་གིས་དགེ་སློང་གི་སྟོད་གཡོགས་དང་། མཐང་གོས་ཐོབ་ནས་སྟོད་གཡོགས་དང་མཐང་གོས་བསླངས་པ་ལས་དེ་སྟེ་མ་ཆོག་པར་གྱུར་ན་བསླང་བར་བྱའོ། །འོན་ཏེ་ལྷག་པར་གྱུར་ན་ཕྱིར་སྦྱིན་པར་བྱའོ། །དགེ་སློང་གིས་མཐང་གོས་དང་། སྟོད་
D7a.012.0121b07.01