完整藏文原文 · 德格版页 当前仅加载第 12 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཎ་བརྒྱད་ཕུར་པ་ཕུར་ཏེ་ཕྱག་དར་སྤུངས་པའི་ཁྲོད་དུ་བརྐོས་ནས་སྦས་ཏེ་ཁ་ཚར་ཙམ་ཞིག་སྣང་བར་བྱས་ཏེ་སོང་བ་དང་། དགེ་སློང་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ཏེ་དེས་ཁ་ཚར་མཐོང་ནས་དེས་དེ་ནས་དྲངས་ཏེ་ཁྱེར་བ་དང་། ཁྱིམ་བདག་དེས་མཐོང་ནས།
D7a.012.0301b01.01བཙུན་པ་རས་མ་རྐུ་ཤིག་ཅེས་སྨྲས་པ་དང་། དགེ་སློང་གིས་ངས་འདི་ནི་ཕྱག་དར་ཁྲོད་ཀྱི་གོས་ཚོལ་བ་ལས་རྙེད་ན་དེ་ཁྱེད་ལ་ཅིར་དགོས་ཞེས་སྨྲས་པ་དང་། བཙུན་པ་བདག་གིས་ནི་དགེ་སྦྱོང་ཤཱཀྱའི་བུ་རྣམས་ཀྱིས་ལྷུང་བའི་གོས་གང་རྙེད་པ་དེ་ཕྱག་དར་ཁྲོད་པའོ་ཞེས་ཏེ་ཁྱེར་རོ། །
D7a.012.0301b02.01ཞེས་ཐོས་ནས་བདག་གིས་རས་ལ་ཀཱཪྵཱ་པ་ཎ་བརྒྱད་ཕུར་པས་ཕུར་ཏེ་ཕྱག་དར་སྤུངས་པར་སྦས་པས་སོ། །དགེ་སློང་དེས་ཀཱརྵཱ་པ་ཎ་བརྒྱད་པོ་དེ་མཐོང་ནས། དེ་སྟེ་ཁྱོད་ཀྱི་ཡིན་ན་ཁྱེར་ཅིག་ཅེས་སྨྲས་ནས། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་
D7a.012.0301b03.01བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བཀུར་བར་བྱའོ། །ཁྱིམ་བདག་གི་ཁྱེའུ་ཞིག་གིས་སྲང་དུ་གོས་བཞག་སྟེ་རྩེད་མོ་རྩེའོ། །དེ་རྩེས་ནས་ཁྱིམ་དུ་སོང་བ་དང་། དགེ་སློང་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་འོངས་པ་དང་
D7a.012.0301b04.01དེས་གོས་དེ་མཐོང་ནས་དེས་དེ་བླངས་ཏེ་སོང་བ་དང་། བུད་མེད་ཅིག་ཀྱང་ཁྱིམ་དེ་ནས་བྱུང་སྟེ། དེས་ཀྱང་དགེ་སློང་དེ་མཐོང་ནས་བཙུན་པ་གོས་མ་རྐུ་ཤིག་ཅེས་སྨྲས་པ་དང་། འདི་ནི་ཁོ་བོས་ཕྱག་དར་ཁྲོད་ཀྱི་གོས་ཚོལ་ན་རྙེད་དོ། །བཙུན་པ་ཁོ་མོའི་ཁྱེའུ་རྩེ་བ་ན་གོས་
D7a.012.0301b05.01བརྗེད་དེ་ཁྱིམ་དུ་མཆིས་སོ། །ཞེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་ཁྱེར་ཅིག །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བླང་བར་བྱོས་ཤིག །དགེ་སློང་ཞིག་གིས་ཕྱག་དར་ཁྲོད་པའི་གོས་
D7a.012.0301b06.01སྦས་ཏེ་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དགེ་སློང་གཞན་ཞིག་ཀྱང་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ནས། དེས་དེ་མཐོང་སྟེ་བཀྲུས་པ་དང་། དགེ་སློང་དེས་ཀྱང་ཕྱག་དར་ཁྲོད་ཀྱི་གོས་བཙལ་ན་མ་རྙེད་ནས་དེས་དགེ་སློང་དེ་འཁྲུ་བ་མཐོང་
D7a.012.0301b07.01