完整藏文原文 · 德格版页 当前仅加载第 12 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ལ་བཙུན་པ་ཀྱེ་ཁྱེད་ཀྱིས་ཆང་ཞིག་མ་བསྣམས་སམ་ཞེས་དྲིས་པ་དང་། དགེ་སློང་དག་གིས་ཁྱེར་རོ་ཞེས་སྨྲས་པ་དང་། རྐུན་པོས་བཙུན་པ་ཁོ་བོ་ཅག་གི་ཆང་བརྐུས་པས་ན་ཁྱོད་ནི་རྐུན་མའོ་ཞེས་སྨྲས་པ་དང་། དགེ་སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.012.0300b01.01ཉེས་པ་མེད་དེ། བདག་པོ་ཡོད་དམ་མེད་ཤིན་ཏུ་བརྟགས་ལ་བླང་བར་བྱའོ། །དེ་ལྟར་ཤའང་དེ་བཞིན་ནོ། །རྐུན་པོས་གྲོང་བཅོམ་ནས་ར་མདའ་བས་བསྙགས་པ་དང་། གཙུག་ལག་ཁང་དུ་ཕྱིན་ཏེ་དེ་དག་སྐྲག་པས་གཙུག་ལག་ཁང་དུ་སོང་ནས་གོས་ཀྱང་དགེ་སློང་དག་ལ་ཕུལ་ནས་དགོན་
D7a.012.0300b02.01པ་ལ་བྲོས་པ་དང་། ཁྱིམ་བདག་དེ་དག་གིས་གཙུག་ལག་ཁང་དེ་བསྐོར་ནས་དེ་གཙུག་ལག་ཁང་དུ་དོང་བ་དང་། དེ་དག་གིས་དགེ་སློང་དག་གི་ལག་པ་ན་གོས་དེ་དག་འདུག་པར་མཐོང་ནས་དེ་དག་གིས་གོས་འདི་ནི་བདག་གིའོ་ཞེས་སྨྲས་པ་དང་། དགེ་སློང་དག་གིས་ཁོ་བོ་ཅག་ལ་ནི་རྐུན་
D7a.012.0300b03.01པོས་བྱིན་ནོ་ཞེས་སྨྲས་པ་དང་། དགེ་སློང་དེ་དག་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། རྐུན་པོས་བརྐུས་ནས་བརྟན་པའི་ནོར་མ་ལེན་ཅིག །འོན་ཏེ་རྐུན་པོ་རྒྱལ་མཚན་ཅན་ཞིག་གིས་བྱིན་ན་ནི་དེ་ལས་བླང་བར་བྱོས་ལ་གོས་གྲིས་དྲོས་ལ་ཁ་དོག་
D7a.012.0300b04.01སྒྱུར་ཏེ་ཆོངས་ཤིག །དེ་ཁ་དོག་བསྒྱུར་ཀྱང་སླར་སློང་ན་དེ་ཡང་བྱིན་ཅིག །བཙོ་བླག་མཁན་ཞིག་གིས་གོས་ཐལ་ཆུའི་ནང་དུ་བཅུག་པ་དང་། དེས་བརྗེད་དེ་གྲོང་དུ་སོང་ངོ་། །དེས་ཡང་གོས་དྲན་པར་གྱུར་ནས་དེ་སླར་ལོག་སྟེ་སོང་བ་དང་དགེ་སློང་ཞིག་ཀྱང་ཕྱག་དར་ཁྲོད་ཀྱི་གོས་ཚོལ་ཞིང་
D7a.012.0300b05.01གནས་དེར་ཕྱིན་ནས་དེས་གོས་དེ་མཐོང་སྟེ། དགེ་སློང་དེས་གོས་དེ་བླངས་ནས་སོང་བ་དང་། བཙོ་བླག་མཁན་དེས་མཐོང་ནས་བཙུན་པ་གོས་མ་རྐུ་ཞེས་སྨྲས་པ་དང་། དགེ་སློང་གིས་ཁོ་བོ་ཕྱག་དར་ཁྲོད་ཀྱི་གོས་ཚོལ་བ་ལས་འདི་མཐོང་ན་ཁྱོད་ལ་འདི་ཅིར་དགོས་ཞེས་སྨྲས་པ་དང་།
D7a.012.0300b06.01བཙོ་བླག་མཁན་གྱིས་བཙུན་པ་ཁོ་བོས་གོས་འདི་ཐལ་སྐྱོར་བཅུག་པ་ལས་བརྗེད་དེ་འདི་ནི་བདག་གི་གོས་ལགས་ཀྱིས་མ་རྐུ་ཤིག །ཁྱོད་ཀྱིས་ནི་མ་བྱིན་པར་བླངས་སོ་ཞེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་
D7a.012.0300b07.01